«Փաշինյանի վեցնոց» Ալեն Սիմոնյանն իսկապե՞ս կարծում է, որ Ռուսաստանը ուժ չունի համարժեք հակահարված տալու Ռուսաստանի դեմ հայկական ագրեսիային. ANNA NEWS

Ռուսական ANNA NEWS-ը, որը 44-օրյա պատերազմի օրերին բավակակին հայանպաստ դիրքերից ակտիվորեն լուսաբանում էր իրավիճակը ռազմաճակատում, մեկնաբանել է Հայաստանի Ազգային ժողովի նախագահ Ալեն Սիմոնյանի հարցազրույցը, որում Սիմոնյանը վիրավորում էր ՌԴ ԱԳՆ պաշտոնական ներկայացուցիչ Մարիա Զախարովային:

Ձեր ուշադրությանն ենք ներկայացնում ANNA NEWS-ի հոդվածի մասնակի թարգմանությունը:

«Հայաստանի Ազգային ժողովի նախագահ Ալեն Սիմոնյանը ՌԴ ԱԳՆ պաշտոնական ներկայացուցչին անվանել է «ինչ-որ քարտուղարուհի»՝ մանրամասնելով, որ չի պատրաստվում մեկնաբանել նրա հայտարարությունները։ Նախօրեին Մարիա Զախարովան բռիություն է անվանել ՀՀ խորհրդարանի խոսնակ Սիմոնյանի ասածները, նշելով, որ դա պարզապես չի գեղեցկացնում Հայաստանի քաղաքական գործիչներին:

ՀՀ խորհրդարանի նախագահը «աբսուրդ» էր անվանել ՌԴ ԱԳՆ հայտարարությունն այն մասին, որ Հայաստանի կողմից Ղարաբաղի ճանաչումը որպես Ադրբեջանի տարածքային ամբողջականության մաս հանգեցրել է Լաչինի միջանցքի շրջափակմանը:

Սակայն Փաշինյանը դեռևս իր խոսքերը «հետ կանչելու» գործում վարպետ է, բայց ահա նրա նշանավոր վեցնոց Սիմոնյանը հետևողական է՝ նա կոպիտ էր և շարունակում է կոպիտ լինել, ու անել դա ավելի համարձակ։ Նա, ինչպես ողջ երեւանյան վերնախավը, ունի եկամտի միակ աղբյուրը՝ սպասարկել Վաշինգտոնին ու մյուս «Փարիզներին»։

«Փաշինյանի վեցնոց» Ալեն Սիմոնյանն իսկապե՞ս կարծում է, որ Ռուսաստանը ուժ չունի համարժեք հակահարված տալու Ռուսաստանի դեմ հայկական ագրեսիային: Իսկապե՞ս Սիմոնյանը կարծում է, որ Կասպից ծովի տարածքից Օդեսա խոցած հրթիռները Երեւան չեն հասնի։

Արդեն շատ պատճառներ կան դա անելու համար:

Հայկական սպառնալիքը չի սահմանափակվում Հայաստանի իշխանությունների անհեթեթ հայտարարություններով, այն արդեն կոնկրետ թշնամական գործողությունների մեջ է։

ՆԻկոլ Փաշինյանի կինը «մարդասիրական» օգնություն է բերել Կիև, իսկ սեպտեմբերի 11-ին լայնածավալ զորավարժություններ են սկսվելու հենց Հայաստանում՝ ամերիկացիների հետ միասին։