«Հրապարակ» թերթը գրում է. «ՀՀ Գերագույն խորհրդի (1990-95թթ․) եւ Ազգային ժողովի (1995- 1999թթ․) նախկին պատգամավոր Վազգեն Վոլոդյայի Պողոսյանը հրավիրվել է Գլխավոր դատախազության՝ Ապօրինի ծագում ունեցող գույքի բռնագանձման գործերով վարչություն` իր գույքի վերաբերյալ կատարված ուսումնասիրության վերաբերյալ պարզաբանումներ տալու, դիրքորոշում հայտնելու եւ հայտարարագիր ներկայացնելու համար։
Վազգեն Պողոսյանը Ճարտարապետների միջազգային միության պատվավոր անդամ է, Հայկական տեխնոլոգիաների ակադեմիայի անդամ։ Նա պարգեւատրվել է ՀՀ պետական մրցանակով, Անանիա Շիրակացի մեդալով, ՀՀ քաղաքաշինության նախարարության, ՀՀ շինարարների միության, ԵՃՇՊՀ-ի եւ Ֆրիտյոֆ Նանսենի անվան ոսկե մեդալներով, նաեւ «Հայաստանում երկրաշարժի 15-ամյակի» ՌԴ հուշամեդալով։ Պողոսյանի ընկերությունն է իրականացրել Գրիգոր Լուսավորիչ եկեղեցու կառուցման, Երեւանի օպերայի եւ բալետի թատրոնի, Հայֆիլհարմոնիայի մեծ համերգասրահի, Հանրապետության հրապարակի վերակառուցման եւ նորոգման աշխատանքները։ Վազգեն Պողոսյանը 71 տարեկան է։
Հիշեցնենք նաեւ, որ նա անցնում էր 2017 թվականի ընտրությունների ընտրակաշառքի գործով: Ըստ գործի տվյալների՝ Վազգեն Պողոսյանն իրավապահներին հայտնել է, որ 2017 թվականին Գագիկ Ծառուկյանից գումար է ստացել` որպես ընտրակաշառք բաժանելու համար, սակայն հետագայում մամուլին հայտնել է, որ թեեւ ասել է, որ գումար ստացել է, սակայն չի ասել, որ դա ընտրակաշառքի գումար է եղել, դա եղել է քարոզարշավի համար նախատեսված գումար։ Պողոսյանն ասել է, որ ինքն է կառուցել Ծառուկյանի «բուրգերը», խաղատունը եւ այլն, ինչի համար առատ վարձատրություն է ստացել։ Վազգեն Պողոսյանը, որպես մեղադրյալ, անցնում է նաեւ Քաղշինկոմիտեի նախկին նախագահ Վահագն Վերմիշյանի գործով, որտեղ նրան մեղադրում են Վերմիշյանին կաշառք տալու համար: Նշենք նաեւ, որ գույքի բռնագրավման գործընթաց է սկսվել նաեւ Վահագն Վերմիշյանի նկատմամբ: Իսկ Պողոսյանի գործով դատախազություն են հրավիրվել նաեւ նրա 3 դուստրերը»:
Դեկտեմբերի 10-ին ժամը 13:30, ՀՅԴ «Նիկոլ Աղբալյան» ուսանողական միությունը ՄԱԿ-ի հայաստանյան գրասենյակի դիմաց (հասցե փ. Պետրոս Ադամյան 14) իրականացնելու է բողոքի ակցիա` ուշադրությունը սևեռելու Բաքվում անօրինաբար պահվող հայ գերիների ոտնահարված իրավունքների վրա։ Հիշեցնենք, որ դեկտեմբերի 10-ն աշխարհում նշվում է որպես Մարդու իրավունքների պաշտպանության օր։
Դեկտեմբերի 9-ին՝ ժամը 16։30-ին, Հայելի ակումբի հյուրն է Արմենուհի Կյուրեղյանը
Դեկտեմբերի 9-ին՝ ժամը 10։40-ին, Հայելի ակումբի հյուրն է Անաստաս Իսրայելյանը
Դեկտեմբերի 9-ին՝ ժամը 11։30-ին, Հայելի ակումբի հյուրն է Վոլոդյա Հովհաննիսյանը
Դեկտեմբերի 9-ին՝ ժամը 15։00-ին, Հայելի ակումբի հյուրն է Ռուզաննա Ստեփանյանը
Դեկտեմբերի 9-ին՝ ժամը 13։00-ին, Հայելի ակումբի հյուրն է Էդգար Էլբակյանը
Դեկտեմբերի 8-ին՝ ժամը 15։00-ին, Հայելի ակումբի հյուրն է Կարապետ Պողոսյանը
Դեկտեմբերի 8-ին՝ ժամը 13։30-ին, Հայելի ակումբի հյուրն է ԱԺ նախկին պատգամավոր Նաիրա Զոհրաբյանը
Դեկտեմբերի 8-ին՝ ժամը 12։30-ին, Հայելի ակումբի հյուրն է Արամ Գասպարի Սարգսյանը
Դեկտեմբերի 8-ին՝ ժամը 11։00-ին, Հայելի ակումբի հյուրն է ԱԺ պատգամավոր Գառնիկ Դանիելյանը
Հետևեք մեզ Viber-ում
