Իրաքի քրդաբնակ շրջանը կարող է ունեցած ինքնավարությունն էլ կորցնել. Էրդողան

Թուրքիայի նախագահ Ռեջեփ Թայիփ Էրդողանը ՄԱԿ-ի համաժողովի շրջանակներում հայտարարել է, որ Իրաքում հարկավոր է տարածքային ամբողջականության հիմքի վրա հասնել համաձայնության և միասնական ջանքերով ապագա կառուցել, գրում է ՌԻԱ Նովոստի գործակալությունը:Թուրքիայի նախագահը հայտնել է, որ անկախության պահանջները տարածաշրջանում հերթական ճգնաժամերի առիթ կդառնան։ «Իրաքի քրդաբնակ շրջանի ղեկավարությանը կոչ ենք անում հրաժարվել անկախության հանրաքվեից։ Եթե քուրդ առաջնորդներն արհամարհեն Թուրքիայի դիրքորոշումն այդ հարցում, ապա արդեն եղածն էլ կարող են կորցնելլ»,-նշել է Էրդողանը։