Մակրոնից պահանջում ենք ընդունել տալ բանաձեւ, որը թույլ կտա բացել Լաչինի միջանցքը. Բրյունո Ռետայո (video)
Ինչպես հայտնի է, Ֆրանսիայի քաղաքներից Արցախի Հանրապետությանն ուղարկված հումանիտար բեռներով 10 բեռնատար մեքենաներն արդեն Լաչինի միջանցքի սկզբնամասում են՝ Կոռնիձորի սահմանային հատվածում: Այնտեղ է նաև Ֆրանսիայից Հայաստան ժամանած պատվիրակությունը՝ Փարիզի քաղաքապետի գլխավորությամբ։ Պատվիրակությն կազմում է նաև՝ Ֆրանսիայի Սենատում մեծամասնություն կազմող «Հանրապետական» խմբակցության նախագահ, ԼՂ հարցով ուսումնասիրության խմբի ղեկավար Բրունո Ռըտայոն, ով իր խոսքում ասաց.
«Ադրբեջանն Արցախը վերածում է բաց երկնքի տակ բանտի, նույնիսկ՝ համակենտրոնացման ճամաբարի և այն, ինչ տեղի է ունենում այսօր հանգեցում է էթնիկ զտման կամ՝ ցեղասպանության, որն ուղղված է 120 հազար մարդու դեմ, որից 30 հազարը երեխաներ են.այս իրավիճակը ճշգրտորեն համապատասխանում է ցեղասպանության կանխարգելման կոնվենցիայի երկրորդ հոդվածին: Մենք պահանջում ենք Ֆրանսիայի նախագահից, օգտվելով այն փաստից, որ Ֆրանսիան ՄԱԿ ԱԽ մշտական անդամ է, ընդունել տալ բանաձև, որը վերջապես թույլ կըտա բացել Լաչինի միջանցքը»,-ասաց ֆրանսիացի պաշտոնյան:
Մանրամասն՝ տեսանյութում:
Հետևեք մեզ Viber-ում
