ԵՏՄ օգտակարության հարցում կասկածներ չկան.Նազարբաեւը հանդիպել է Տիգրան Սարգսյանի հետ
Kazpravda.kz-ն փոխանցում է ,որ Ղազախստանի նախագահ Նուրսուլթան Նազարբաեւի եւ ԵՏՀ Կոլեգիայի նախագահ Տիգրան Սարգսյանի հանդիպման ժամանակ քննարկվել են ԵՏՄ զարգացման հարցերը, երրորդ երկրների հետ տնտեսական հարաբերությունների խորացումը, ինչպես նաեւ ստեղծված պայմաններում գլոբալ շուկաներում միության մարմինների գործունեության ռազմավարությունը։ « ԵՏՀ Կոլեգիայում Տիգրան Սարգսյանի նախագահության ժամանակահատվածը բարդ ժամանակաշրջան է համաշխարհային տնտեսության մեջ, եւ նման պայմաններում դժվար է լինելու աճի կետեր գտնել։ Դրանք որեւէ կերպ կապ չունեն ԵՏՄ աշխատանքի հետ։ Մեր ինտեգրացիոն միության վերջնական օգտակարության հարցում ես կասկածներ չունեմ։ Առավել եւս,որ այսօր շատ երկրներ ցանկություն են հայտնում մտնել միության մարմիններ կամ նրանց հետ ազատ առեւտրի գոտի ստեղծել»,- նշել է Նուրսուլթան Նազարբաեւը: Տիգրան Սարգսյանը նշել է, որ միության զարգացման ընդհանուր ռազմավարության մեջ Նազարբաեւի դիրքորոշումը սկզբունքային նշանակություն ունի, քանի որ հենց նրա նախաձեռնություններն ու գաղափարներն են ընկել միասնական եվրասիական տարածքի հիմքում։ «Միության մարմիններին հանձնարարվել է մանրամասն ուսումնասիրել Ղազախստանի նախագահի դիմումը ԵՏՄ անդամ երկրների նախագահներին, որի հիմնական գաղափարների իրականացման համար համապատասխան պլան է կազմվել»,- ասել է Սարգսյանը:
Հետևեք մեզ Viber-ում
