Հաջորդ տարի աշնանը մենք նախատեսում ենք կազմակերպել մեծ տնտեսական եւ ներդրումային ֆորում Հայաստանում, որի հարթակներում կխոսենք Հայաստանի վաղվա օրվա մասին, Հայաստանի տեսլականի մասին, կներկայացնենք արդեն իսկ հաջողած եւ ընթացքի մեջ գտնվող նախագծերը, ինչպես նաեւ ամբողջովին նոր բիզնես նախագծեր՝ թե մասնավոր եւ թե հանրային-մասնավոր ձեւաչափով: Այս մասին սեպտեմբերի 19-ին ասել է վարչապետ Կարեն Կարապետյանը՝ ելույթ ունենալով Երեւանում ընթացող Հայաստան-Սփյուռք համաժողովում:
«Վստահ եմ, որ նախանշված հաջողություններին ավելի շուտ կհասնենք հայության բոլոր հատվածների հետ համատեղ աշխատանքը ընդլայնելու եւ ավելի առարկայական եւ արդյունավետ դարձնելու միջոցով, քանի որ միասին այստեղ ունենք հսկայական առավելություն: Մասնավորապես, սփյուռքահայությունը շատ լավ հասկանում է, թե ինչպիսի միաջավայր է ակնկալում օտարերկրյա ներդրողը, եւ կարող է մեզ ուղղորդել։
Այդ խնդրի լավագույն լուծումը բազմաֆորմատ համագործակցության խորացումն է: Խիստ կարեւոր է նաեւ ընդհանուր եւ առարկայական, կոնկրետ ծրագրերի քննարկումը:
Դրա համար, հաջորդ տարի աշնանը մենք նախատեսում ենք կազմակերպել մեծ տնտեսական եւ ներդրումային ֆորում Հայաստանում, որի հարթակներում կխոսենք Հայաստանի վաղվա օրվա մասին, Հայաստանի տեսլականի մասին, կներկայացնենք արդեն իսկ հաջողած եւ ընթացքի մեջ գտնվող նախագծերը, ինչպես նաեւ ամբողջովին նոր բիզնես նախագծեր՝ թե մասնավոր եւ թե հանրային-մասնավոր ձեւաչափով: Տրամադրված ենք այդ ֆորումը դարձնել ամենամյա»,– ասել վարչապետը։
Հայաստանը հրապուրիչ է ոչ միայն իր շուկայով, այլեւ որպես հարմար հարթակ մեծ շուկաներ ներթափանցելու համար: «Մենք ելք ունենք դեպի ԵՏՄ 180 միլիոնանոց շուկա, որին մուտք գործելու համար հայկական ձեռնարկություններն ունեն առավելություններ եւ արտոնություններ։ Հարեւան Իրանի դեպքում՝ 80 միլիոնանոց շուկա, սահմանին ազատ տնտեսական գոտի, իսկ ԵՏՄ մակարդակով վարվում են բանակցություններ՝ առեւտրային հատուկ ռեժիմներ ունենալու վերաբերյալ։ Եվրամիություն եւ ԱՄՆ- GSP+ համակարգ, որը հնարավորություն է տալիս հայկական ապրանքներն արտոնյալ ռեժիմներով հասցնել ԵՄ եւ ամերիկյան շուկաներ։ Ավելին ասեմ, Եվրամիության հետ այս նոյեմբերին ստորագրվող համաձայնագիրն առավել կխորացնի այդ համագործակցությունը։ Հարեւան Վրաստանի հետ ունենք ազատ առեւտրի համաձայնագիր,ասել է նա:
Ապրիլի 29-ին՝ ժամը 12։00-ին, Հայելի ակումբի հյուրն է Ալբերտ Բազեյանը
Ապրիլի 29-ին՝ ժամը 16։30-ին, Հայելի ակումբի հյուրն է Նաիրա Գևորգյանը
Ապրիլի 29-ին՝ ժամը 15։30-ին, Հայելի ակումբի հյուրն է Արմենուհի Կյուրեղյանը
Ապրիլի 29-ին՝ ժամը 13։30-ին, Հայելի ակումբի հյուրն է Արմինե Ադիբեկյանը
Ապրիլի 29-ին՝ ժամը 12։30-ին, Հայելի ակումբի հյուրն է Կարինե Նալչաջյանը
Ապրիլի 28-ին՝ ժամը 16։00-ին, Հայելի ակումբի հյուրն է Վոլոդյա Հովհաննիսյանը
Ապրիլի 28-ին՝ ժամը 12։00-ին, Հայելի ակումբի հյուրն է Էդիկ Անդրեասյանը
Ապրիլի 28-ին՝ ժամը 13։30-ին, Հայելի ակումբի հյուրն է Հովհաննես Շահինյանը
Ապրիլի 28-ին՝ ժամը 15։30-ին, Հայելի ակումբի հյուրն է Կարապետ Պողոսյանը
Ապրիլի 28-ին՝ ժամը 15։00-ին, Հայելի ակումբի հյուրն է Աժ պատգամավոր Գառնիկ Դանիելյանը
Հետևեք մեզ Viber-ում
