Հայաստանն ու Ադրբեջանը պետք է գնան դժվարին փոխզիջումների. Միլլեր
Երևանն ու Բաքուն պետք է գնան դժվարին փոխզիջումների, ճեպազրույցում ասել է ԱՄՆ Պետդեպարտամենտի պաշտոնական ներկայացուցիչ Մեթյու Միլլերը։
«Վաշինգտոնը շարունակում է հանձնառու մնալ հայ-ադրբջենական խաղաղության համաձայնագրի շուրջ բանակցություններին և հավատացած է, որ հնարավոր է հասնել խաղաղության համաձայնագրին: Միշտ ասել ենք, որ դրան` [խաղաղության համաձայնագրին] հասնելու համար երկու կողմերն էլ պետք է գնան բարդ փոխզիջումների։ Եվ դա է պատճառը, որ պետքարտուղարը շարունակում է քննարկումները ինչպես Հայաստանի, այնպես էլ Ադրբեջանի առաջնորդների հետ՝ խրախուսելու նրանց գնալ այդ դժվարին փոխզիջումների, որպեսզի կարողանանք հասնել համաձայնության»,- ասել է պետքարտուղարության մամլո խոսնակը:
Նրա խոսքով, պետքարտուղար Էնթոնի Բլինքենը շարունակում է բանակցություններ վարել ինչպես Հայաստանի, այնպես էլ Ադրբեջանի ղեկավարների հետ:
Հետևեք մեզ Viber-ում
