Այսօր Սամվել Մկրտչյանի ծննդյան օրն է

Այսօր անվանի թարգմանիչ, գրող, հրապարակախոս Սամվել Մկրտչյանը կդառնար 57 տարեկան։ Անվանի թարգմանչի ծննդյան օրը լույս է տեսել Սամվել Մկրտչյանի՝ 23 տարեկանում Շեքսպիրից արած առաջին թարգմանությունը՝ ՙՄիջամառային գիշերվա երազը՚։ Սամվելը մտադիր էր այն տպագրել 2015-ին, սակայն չհասցրեց։ Գրքի խմբագիրն է Հակոբ Մովսեսը։ Այսօր, Սամվել Մկրտչյանի ծննդյան օրը, Հանրային հեռուստաընկերությունը պատրաստել եւ է ցուցադրելու է ՙԲաբելոնյան դռներ բացողը՚ ֆիլմը՝ նվիրված տաղանդավոր մարդուն։ Ս.Մկրտչյանը ծնվել է 1959 թվականին Թալինում։ Ավարտել է է Լենինականի (այժմ` Գյումրի) թիվ 20 միջնակարգ դպրոցը, այնուհետև` Վ․ Բրյուսովի անվան համալսարանը (1983)։ Աշխատել է «Աստղիկ» հանդեսում, ինչպես նաև «Անդրադարձ», «Ար», «Առավոտ», «Գրական թերթ» պարբերականներում։ Հայաստանում և արտերկրում տպագրել է բազմաթիվ հրապարակախոսական հոդվածներ, բանաստեղծություններ, պատմվածքներ, նաև թարգմանել է բազմաթիվ գրքեր։ 2002 թվականից «Արտասահմանյան գրականություն» թարգմանական եռամսյա հանդեսի գլխավոր խմբագիրն է: Հայաստանի գրողների միության անդամ է 1995 թվականից։ «Կանթեղ» մրցանակի դափնեկիր է։