Նիկո՛լ, տղեդ որ գերի լիներ, 2 ժամ էլ չէիր թողնի մնա․ անհետ կորածի մայր (video)

Եթե ինքը մեկ շաբաթվա ընթացքում մեկ ժամ չունեցավ մեզ լսելու, մենք էլ ոչ մի զիջումների չենք գնալու։ Այս մասին, այսօր՝ հուլիսի 26-ին, Բաղրամյան պողոտայում բողոքի ակցիայի ժամանակ նշեց անհետ կորած զինծառայողներից մեկի մայրը:

«Իր տղան, որ գերի լիներ, երկու ժամ էլ չէր թողնի այնտեղ մնար, մեր երեխաների համար ինքը ժամանակ չունի։ Մեր երեխաները իրեն բացարձակ հետաքրքիր չեն։ Այդ ինչպես եղավ, որ իր ընտրություններից 5 օր առաջ 15 հոգու բերեցին, ընտրություններից հետո 10 հոգու բերեցին։ Հետո կասի Ալիևը չի թողնո՞ւմ, բա ոնց տվեց, թե իրեն էր այդպես պետք։ Ինքը պարզապես դրանով չի զբաղվում: Թող պատճառներ չբռնեն, թե Ալիեւը չի տալիս: Ուզող է պետք, եթե ուզող լինի, ԱԼիեւը կտա»,-ասաց նա:

Անհետ կորածի մայրը հայտարարեց, որ շարունակելու են մնալ այստեղ ու փակել ճանապարհը այնքան, մինչեւ իրենց լսող լինի:

Նշենք, որ ակցիային մասնակցում են Էջմիածնի N զորամասի («քիմիկների» զորամաս) զինծառայողների ծնողները, որոնց զավակներին 2021 թվականի հոկտեմբերի 21-ին տեղափոխել էին Արցախ մարտական առաջադրանքի և սխալ հրամանի պատճառով նրանք հայտնվել էին շրջափակման մեջ ու անհետ կորել:

Նրանք փակել են Բաղրամյան պողոտա-Պռոշյան փողոց խաչմերուկը եւ պահանջում են հանդիպում Նիկոլ Փաշինյանի հետ: Նրանք մեկ շաբաթ առաջ էին Նիկոլ Փաշինյանի հանդիպելու պահանջով բողոքի ակցիա արել։ Փաշինյանը նրանց, սակայն, այդպես էլ չէր ընդունել։