politik.am-ը գրում է. Հայաստանում վերջին ամիսներին քրեական իրավիճակը բավական լարված է: Հանրապետության տարբեր քաղաքներում, տարբեր ժամանակներում տեղի են ունենում զինված ռազբորկաներ, որի ժամանակ նաև զոհեր են լինում: Այս իրավիճակը խոսում է ՀՀ ոստիկանության ոչ էֆեկտիվ աշխատանքի մասին: Փորձենք հիշել աղմկահարույց մի քանի սպանություններ և փոխհրաձգություններ, որոնք տեղի են ունեցել վերջին մի քանի ամիսների ընթացքում:
Հունիսի 13-ին Ժամը 12։20-ի սահմաններում անհայտ անձը Ալավերդի քաղաքում՝ «Կատա» սուպերմարկետի հարևանությամբ, կրակոցներ է արձակել Ալավերդի քաղաքի բնակիչ, 39-ամյա Կամո Փիրուզյանի վրա։ Փիրուզյանը հիվանդանոցի ճանապարհին մահացել էր։ Ըստ շրջանառվող լուրերի, Կամո Փիրուզյանը՝ Վարդան Փիրուզյանի եղբայրն է, որը հետախուզվում է 2 անձի սպանության մեջ:
Հունիսի 25-ին, ժամը 23․00 մոտակայքում Գյումրու կենտրոնական Սայաթ-Նովա փողոցում գտնվող «Պոնչիկ-Մոնչիկ» սրճարանի դիմաց տեղի էր ունեցել փոխհրաձգություն, որին, նախնական տվյալներով, մասնակցել էին 34-ամյա Արտյոմ Ղազարյանը, 31-ամյա Կարեն Սարգսյանն ու տուժողը՝ 30-ամյա Գեորգի Հակոբյանը։ Ոստիկանությունը պարզել է, որ Գեորգի Հակոբյանին հրազենային վնասվածք է պատճառել Արտյոմ Ղազարյանը։ Հիշեցնենք, որ նա օրենքով գող Անդրանիկ Սողոյանի՝ Զապի քրոջ որդին է, որը նույնպես օրենքով գող է։
Հունիսի 21-ին, կրակոցներ էին հնչել Երևանում: Ժամը 13:30-ի սահմաններում ոստիկանության Երևան քաղաքի վարչության օպերատիվ կառավարման կենտրոն ահազանգ էր ստացվել, որ Բաբաջանյան փողոցի 108/7 հասցեում գործող խանութի մոտ կրակոցներ են հնչել: ժամը 14:00-ի սահմաններում Աստղիկ բժշկական կենտրոնից ահազանգ է ստացվում ոստիկանության Երևան քաղաքի վարչության օպերատիվ կառավարման կենտրոն և հայտնում են, որ «գլխի հրազենային վնասվածք» աշխոտրոշմամբ իրենց մոտ է տեղափոխվել մի քաղաքացի:
Հունիսի 24 -ին ժամը 23:00-ի սահմաններում անհայտ անձը Էրեբունի վարչական շրջանում կրակոցներ է արձակել Ազատամարտիկների 4-րդ նրբանցքի 6-րդ տան ուղղությամբ` կրակելով պատուհանին:
Կրակոցների արդյունքում նշված հասցեից ոստիկանության Էրեբունու բաժնի ծառայողները ոստիկանության ծառայողական մեքենայով` թևի մասում ստացված հրազենային վնասվածքով «Էրեբունի» հիվանդանց են տեղափոխել 26-ամյա Վահագն Գրիգորյանին:
Հուլիսի 27-ին, կրակոցներ են հնչել Կոտայքի մարզում։ Ոստիկանության Երևան քաղաքի վարչության օպերատիվ կառավարման կենտրոն ահազանգ էր ստացվել, որ անհայտ անձը կամ անձինք Աբովյան քաղաքի 2-րդ միկրոշրջանի 29 շենքի բնակարաններից մեկի ուղղությամբ կրակոցներ են արձակել։ Բնակարանը, որի ուղղությամբ կրակոցներ են արձակել, պատկանում է Աբովյանում հայտնի «Պալաչ» մականվամբ Արթուր Հարությունյանին, սակայն նա տևական ժամանակ է՝ նշված բնակարանում չի բնակվում, քանի որ գտնվում է Հայաստանից դուրս։
2017 թվականի հուլիսի 30-ին ահազանգ է ստացվել առ այն, որ նույն օրը՝ ժամը 02:00-ի սահմաններում, Վանաձորի «Սայաթ-Նովա» զբոսայգում գործող սրճարանում կրակոցներ են հնչել:
Ահազանգի հիման վրա նյութերի նախապատրաստման ընթացքում պարզվել է, որ 45-ամյա տղամարդը Վանաձոր քաղաքի «Սայաթ-Նովա»-ի անվան զբոսայգում գործող սրճարանում «ԱԿՄ» տեսակի ինքնաձիգից արձակել է բազմաթիվ կրակոցներ, որը զուգորդվել է նշված սրճարանում գտնվող անձանց նկատմամբ բռնություն գործադրելու սպառնալիքով:
Սևանա լճի լողափերից մեկում ծագած ծեծկռտուքի վերաբերյալ ահազանգը ոստիկանության Երևան քաղաքի վարչության օպերատիվ կառավարման կենտրոնում ստացվեց հուլիսի 30-ին, ժամը 19-ի սահմաններում: Տասնհինգ րոպե անց «Սևան» բժշկական կենտրոնից հաղորդում ստացվեց, որ իրենց մոտ է տեղափոխվել 1957 թ. ծնված Աշոտ Հովհաննիսյանի դիակը:
Աշոտ Հովհաննիսյանի որդին՝ 1981 թ. ծնված Էդգար Հ.-ն, հետապնդել և ժամը 19.05-ի սահմաններում Երևան-Սևան-Իջևան ճանապարհի 62-րդ կմ-ում գտնվող ճանապարհի բանուկ մասում Դավիթ Առաքելյանին իջեցրել է «Մերսեդես» ավտոմեքենայից ու որսորդական հրացանով կրակել նրա վրա: Վերջինս գլխի շրջանում ստացել է մահացու հրազենային վիրավորում:
Օգոստոսի 1-ին ժամը 10.40-ին ոստիկանություն ահազանգ էր ստացել, որ Արագածոտնի մարզի Շամիրամ գյուղի գերեզմանատանը կրակոցներ են հնչել: Մեկնած օպերատիվ խումբը պարզել էր, որ անհայտ անձը մտել է գերեզմանատան տարածք և կրակ բացել հավաքվածների վրա: Կրակոցների հետևանքով զոհվել էր 4 մարդ, վիրավորվել՝ 5-ը:
Երեւան-Սեւան ավտոճանապարհին օգոստոսի 14-ին, կրակոցներ էին հնչել: Shamshyan.com-ի փոխանցմամբ կրակոցների հետևանքով վիրավորվել է 24-ամյա Հայկ Տիշինյանն է: Նրան մարմնական վնասվածքներ է պատճառել Գուրգեն Մեխակյանը:
Սեպտեմբերի 12-ին կրակոցներ հնչեցին Էջմիածին քաղաքում: Կրակոցների հետևանքով սպանվել էր երկու քաղաքցի: մամուլում հայտնված տեղեկությունների համաձայն սպանությունները կարող էին կապ ունենալ քրեական հեղինակություն Դոն Պիպոյի մահափորձի հետ:
Սեպտեմբերի 14-ին կրակոցներ են հնչել Երևանում։ Վերնիսաժի հարևանությամբ գտնվող «Թուֆենկյան» հյուրանոցի մոտ հնչել են կրակոցներ, ինչի հետևանքով 1 մարդ տեղում սպանվել է, 1-ը վիրավորվել է ու հեռացել դեպքի վայրից:
Սա իհարկե տեղի ունեցած սպանությունների ամբողջական ցանկը չէ, սրանք այն սպանություններն են, որոնք տեղի են ունեցել հրազենի կիրառմամբ: Սակայն այս ամենն էլ բավական է հասկանալու համար, որ ոստիկանությունն իր տեղում չէ
Հունիսի 26-ին՝ ժամը 13։00-ին, Հայելի ակումբի հյուրն է Աշոտ Անդրեասյանը
Հունիսի 26-ին՝ ժամը 12։00-ին, Հայելի ակումբի հյուրն է «Ժառանգություն» կուսակցության առաջնորդ Րաֆֆի Հովհաննիսյանը
Հունիսի 25-ին՝ ժամը 14։00-ին, Հայելի ակումբի հյուրն է Կարինե Նալչաջյանը
Հունիսի 25-ին՝ ժամը 12։00-ին, Հայելի ակումբի հյուրն է Վիգեն Հակոբյանը
Հունիսի 25-ին՝ ժամը 10։30-ին, Հայելի ակումբի հյուրն է Էդիկ Անդրեասյանը
Հունիսի 24-ին՝ ժամը 11։30-ին, Հայելի ակումբի հյուրն է Դերենիկ Մալխասյանը
Հունիսի 24-ին՝ ժամը 10։30-ին, Հայելի ակումբի հյուրն է Հովհաննես Իշխանյանը
Հունիսի 24-ին՝ ժամը 13։00-ին, Հայելի ակումբի հյուրն է Անաստաս Իսրայելյանը
Հունիսի 24-ին՝ ժամը 14։00-ին, Հայելի ակումբի հյուրն է Նարե Սոսեն
Հունիսի 24-ին՝ ժամը 12։00-ին, Հայելի ակումբի հյուրն է ազատամարտիկ Դավիթ Մկրտչյանը
Հետևեք մեզ Viber-ում
