Սիրիայի հարցով կա համաձայնություն

Սիրիական ընդդիմությունը հաստատել է երկու շաբաթվա ընթացքում կրակի դադարեցման ռեժիմի պահպանման պատրաստակամությունը՝ ասվում է ընդդիմադիր Բարձրագույն բանակցային կոմիտեի հայտարարության մեջ։ «Բարձրագույն բանակցային կոմիտեն կարծում է, որ 2 շաբաթ տևողությամբ նախնական հրադադարը մյուս կողմին կտա իր պարտավորությունների լրջությունը հաստատելու հնարավորություն»,- ասվում է հայտարարության մեջ՝ փոխանցում է Al Arabiya հեռուստաալիքը։ Ավելի վաղ Սիրիայի փոխարտգործնախարար Ֆեյսալ Միկդադը հայտարարել էր, որ Դամասկոսը ռուս բարեկամների հետ խորհրդակցություններից հետո որոշել է դադարեցնել ռազմական գործողությունները՝ համապատասխան ռուս-ամերիկյան պայմանավորվածության։