Ռուսաստանն «Իսկանդերով» հարվածել է Պերվոմայսկի քաղաքին

Խարկովի մարզի Պերվոմայսկի քաղաքում ռուսական հարվածի հետևանքով տուժել է 43 մարդ, այդ թվում՝ 12 երեխա։ Այս մասին հայտնել է Խարկովի շրջանային վարչակազմի ղեկավար Օլեգ Սինեգուբովը, գրում է currenttime-ը։

Հարվածն ընկել է բնակելի ինը հարկանի շենքի մոտ՝ կայանատեղիի վրա։ Ավելի ուշ Սինեգուբովը պարզաբանել է, որ հարվածը հասցվել է «Իսկանդեր» հրթիռով։ Խարկովի մարզի ոստիկանական բաժանմունքի ղեկավար Վլադիմիր Տիմոշկոն հայտնել է, որ ամենափոքր վիրավոր երեխաները եղել են երեք և ինը ամսական։ Սինեգուբովն ավելի վաղ հայտնել էր, որ զոհերի թվում կան տասը ամսական և մեկ տարեկան երեխաներ։