Արցախի բյուջեի կատարողականը չհաստատվեց

«Հրապարակ» թերթը գրում է. «Արցախի խորհրդարանին երեկվա հերթական նիստում չի հաջողվել հաստատել նախորդ տարվա բյուջեի կատարողականը։ Բյուջեի քվեարկությանը մասնակցել է 16 պատգամավոր, 15 հոգին՝ «Ազատ հայրենիք»-ՔՄԴ դաշինքից, մեկն էլ՝ «Արդարություն» խմբակցությունից հեռացած եւ այժմ, ըստ որոշ լուրերի, ՔՊ-ականների հետ համագործակցող Կարեն Հովհաննիսյանը:

Մինչդեռ կատարողականը հաստատելու համար պահանջվում էր 17 ձայն, այսինքն՝ եթե ընդդիմադիրներից գոնե մեկը ձեռնպահ կամ դեմ քվեարկեր, այն կանցներ։

Ընդդիմությունը հայտարարելով, որ իշխանությունն արդիական հարցերով չի զբաղվում, հայտարարել է, որ չի մասնակցում քվեարկությանը։ Իհարկե, սա իրավական որեւէ հետեւանք չի առաջացնում, սակայն քաղաքական առումով ուշագրավ է եւ փաստում է, որ այլեւս Արցախի իշխանական դաշտը պառակտված է, եւ խորհրդարանում օրենքներ անցկացնելու խնդիր ունեն։

Ի դեպ, երեկվա ողբերգական դեպքերով պայմանավորված՝ ԱՀ նախագահը չի ներկայացել խորհրդարան, այսօր կքննարկվի նրա հաշվետվությունը: Ըստ լուրերի՝ նա որոշակի փոփոխություններ է արել նախապես պատրաստած ուղերձում, ինչով պայմանավորված՝ ելույթը հետաձգել են»:

Առավել մանրամասն՝ թերթի այսօրվա համարում