Լեհաստանում ամերիկյա ռազմաբազա կտեղակայվի

ԱՄՆ-ը հակահրթիռային պաշտպանության համակարգեր կտեղակայի Լեհաստանի Ռեձիկովո բնակավայրի մոտ, տեղեկացնում է gazeta.ru-ն:  Համապատասխան պայմանագիրը կողմերի միջև, որի արժեքը կազմում է 182 մլն դոլար, արդեն ստորագրվել է: ՀՕՊ համակարգի բազայի շինարարությունը նախկին ռազմական օդանավակայանի տարածքում նախատեսվում է ավարտել 2018 թվականի ապրիլին: Լրատվամիջոցները նաև հաղորդում են, որ բնակավայրում արդեն զինվորականներ կան: Նշվում է, որ բազան պետք է սպասարկեն առավելագույնը 300 զինվորական և քաղաքացիական անձինք: