4 ամսվա մեջ արդեն ունեն 2 շատ վատ նախադեպ, որը ցույց է տալիս, որ փաստաբաններն այսօր պաշտպանված չեն (video)
Փաստաբանները բողոքի ակցիա են իրականացրել ՆԳՆ շենքի մոտ՝ ոստիկանական բաժանմունքում փաստաբանների նկատմամբ բռնության դեպքերի վերաբերյալ։
«Ես ակնկալում եմ, որ հանրապետության նախագահը ևս պետք է համապատասխան արձագանք հղի։ Արդեն քանի օր է՝ մենք խոսում ենք այս իրավիճակի մասին, բայց, ցավոք, չենք տեսնում այն ակտիվ գործողությունները, որոնք ցույց կտային փաստաբաններին, որ այս խնդիրը երկրում իսկապես մտահոգություն է առաջացնում և մենք պաշտպանված ենք որոշակի առումով։ Այս ակցիաները շարունակական են լինելու, քանի դեռ նմանատիպ վերաբերմունք ենք տեսնում պետական, իշխանական համակարգից, և առհասարակ պատասխանատու գերատեսչություններից»,- լրագրողների հետ զրույցում ասաց Փաստաբանների պալատի նախագահ Սիմոն Բաբայանը ։
Սիմոն Բաբայանը նշեց, որ 4 ամսվա մեջ արդեն ունեն 2 շատ վատ նախադեպ, որը ցույց է տալիս, որ փաստաբաններն այսօր պաշտպանված չեն.«Փաստաբաններն ի զորու են իրենց պաշտպանել և օրենքով սհամանված բոլոր միջոցները կկիրառեն, որպեսզի կարողանան իրենց գործընկերների արդյունավետ պաշտպանությունն իրականացնել»։
Հետևեք մեզ Viber-ում
