Գուցե մեր ամենամեծ սխալն է եղել, որ մենք վստահել ենք բանակին. Նիկոլի խայտառակ հայտարարությունը (video)
Վարչապետ Նիկոլ Փաշինյանը վստահեցնում է` բանակի համար չեն խնայել ոչինչ։ «Մենք վստահել ենք մեր բանակին ու չենք խնայել ոչինչ: Ընդ որում, իմացել ենք քաղաքական կապվածություններ, ինչ-որ բաներ իմանալիս աչք ենք փակել, վստահել ենք», - ԱԺ-ում հայտարարեց Նիկոլ Փաշինյանը:
Նա նշեց, թե 2018 թվականից մինչև այսօր չկա մի դեպք, որ Հայաստանի Հանրապետության բանակում որևէ բան տեղի ունեցած չլինի այն պատճառով, որ կառավարությունը ասի՝ փող չկա։
«Բացառված է, չի կարող այդպիսի բան լինել։ Գուցե, դա է եղել մեր ամենամեծ սխալը, որ վստահել ենք բանակին, որովհետև հիշում եք, պատմել եմ, որ նույնիսկ պատերազմի ժամանակ ինձ հարազատ մարդիկ եկել են ինձ մոտ, փորձել են ասել՝ ինչ-որ մի բարձրաստիճան հրամանատար ինչ-որ մի բան չի անում, ես դուրս եմ հանել այդ մարդուն և ասել, որ թույլ չեմ տա, որ իմ երկրի բանակի սպայի մասին այդպիսի բան ասես։ Այսօր այդ սպան, որպես մեղադրյալ, անցնում է քրեական գործով», - ընդգծեց վարչապետը:
Հետևեք մեզ Viber-ում
