Նպատակ ունեն ինձ գցել քաշքշուքների մեջ․ Արթուր Համբարձումյան

ՇՊՀ դասախոս Արթուր Համբարձումյանը ֆեյսբուքյան իր էջում գրում է․ «Կոլեկտիվով Արմենին հասցրեցին մահվան:
Այդ կոլեկտիվի մեջ էին ձերբակալման հրահանգ տվողը, հրահանգ տվողին ստորաքաշորեն ծառայող՝ որսորդ միության վերածված ԱԱԾ-ականները, կալանքի սանկցիա տված դատավորը:
Դեպքի առիթով հարուցված քրեական գործով ես անցնում էի որպես վկա, որովհետև ասել էի հարցազրույցներիցս մեկում այն ինչ նոր կարդացիք: Հետո Շիրակի մարզի դատախազի տեղակալ Եդիգարյան Արամը որոշեց, որ պետք է ինձ դատել, որովհետև Արմենին կալանք տված և այժմ կաշառակերության համար դատվող դատավորին հասցրել եմ հրապարակային վիրավորանք:
Հետաքրքիր է՝ գործ կարող, արդարադատության երկրորդ դասի խորհրդական Եդիգարյանը տեղյա՞կ է, թե ժամանակին Հայաստանում դատավորների մասին ինչեր են ասել փաշինայնականները: Հետաքրքրիր է՝ գործ կարող այս սուբյեկտը տեղյա՞կ է, թե ինչպես էր Փաշինյանը հրահանգում դատարանների դռները շրջափակել, որպեսզի <վնգստացող դատավորները> չկարողանան մտնել ներս: Իսկ որ դատավորների կայացրաց վճիռները չկատարելու հրապարակային կոչեր էին հնչեցնում իշխանավորները, դրանից տեղյա՞կ է:
Փաշինյանի հակամարդկային ռեժիմին ծառայող իրավաբան՝ օրենքի առաջ բոլորը պետք է լինեն հավասար, լս՞ել ես:
Եդիգարյան Արամ , դու մեղավոր չէս: Քեզ այդ պաշտոնին նշանակողն է մեղավոր, քեզ դիպլոմ տվողն է մեղավոր, քեզ դաստիարակողն է մեղավոր, արդարադատության երկրոդ դասի խորհրդականի աստիճան շնորհողն է մեղավոր:
Դու դառնալու ես շուտով պոպուլյար՝ Եդիգարյան Արամ:
Իշխանափոխությունից հետո քեզ նմանները համակարգից դուրս են շպրտվելու, իսկ իրավագիտության ֆակուլտետներում բացատրելու են, թե ինչ աղետ կարող է բերել պետությանը երբ իրավապահ համակարգը սկսում է ստորաքարշորեն ծառայել սամոդուռ ղեկավարներին»։

Երեկ հայտնի է դարձել, որ Արթուր Համբարձումյանի նկատմամբ քրեական գործ են հարուցել պրոդյուսեր Արմեն Գրիգորյանին կալանք տված դատավոր Արուսյակ Ալեքսանյանին հրապարակայնորեն վիրավորելու համար։

Մեզ հետ զրույցում Արթուր Համբարձումյանը նշեց․ «Շիրակի մարզի դատախազի տեղակալ Արամ Եդիգարյանը իմ դեմ գործ է հարուցել Արմեն Գրիգորյանի հուղարկավորության օրը Գրիգորյանին կալանք տված դատավոր Արուսյակ Ալեքսանյանին վիրավորելու համար, ում դեռ չէին մեղադրել կաշառք վերցնելու գործով ու չէր կալանավորվել»։

Ըստ Համբարձումյանի՝ սա մանր խուլիգանություն է իր նկատմամբ․ «Սրա նպատակն է ինձ գցել քաշքշուքի մեջ։ Սա պայմանավորված է նաև իմ հանրային խոսքով, որը խիստ քննադատություն է՝ ուղղված Նիկոլին ու իր իշխանությանը»։