«Գյուլնազ տատի հեքիաթներից ա, կարած գործ ա էս». Բարսեղ Բեգլարյան (video)

«Պարզ չի՞, որ սա կարած, նկարած գործ է, փուչիկ է: Էրեխեք, լավ էլի, առաջին օրն ասել եմ՝ թատրոն է, ուրեմն թատրոն է: Հազար օղորմի Սերգո Կարապետյանին: Կուզեի կենդանի լիներ, գար, երեսին նայեի, ասեի՝ ամոթ քեզ»,- դատական նիստից հետո լրագրողների հետ ճեպազրույցում ասաց «Ֆլեշ» ընկերության սեփականատեր Բարսեղ Բեգլարյանը։

Ըստ նրա, դիզվառելիքի քրեական գործը քաղաքական նպատակներով է՝ երրորդ նախագահ Սերժ Սարգսյանի դեմ:

Հիշեցնենք, որ ըստ մեղադրանքի, Սերժ Սարգսյանի կազմակերպմամբ, Բարսեղ Բեգլարյանի դրդմամբ, Սերգո Կարապետյանի կողմից 2013 թվականի հունվարի 25-ից փետրվարի 7-ն ընկած ժամանակահատվածում ՀՀ կառավարության պահուստային ֆոնդից վատնվել է պետական աջակցության ծրագրերի իրականացման ընթացքում իրացված 15.391.765 լիտր դիզելային վառելիքի համար հատկացված սուբսիդիայի առանձնապես խոշոր չափերով գումարը՝ 489.160.310 ՀՀ դրամ: Մեղադրանքը չեն ընդունում։

Մանրամասն՝ տեսանյութում։