Ինչու են Վրաստանի քաղաքացիները հայտնվել ԻԼԻՊ-ի շարքերում

Բրիտանական «BBC»-ի ռուսական գարծակալությունը հայտնում է, որ վրացական հատուկ ծառայություններն ուսումնասիրում են ենթադրաբար «Իսլամական Պետության» կողմից տարածված մի տեսահոլովակ, որում գրոհայինները վրացերենով պատմում են Վրաստանից դուրս եկած և «շահիդ» (նահատակ) դարձած մարդկանց մասին: 19 րոպե տևողությամբ տեսանյութում, որը կոչվում է «Աստված իմ, ես շտապեցի քո մոտ, որպեսզի դու ինձնով հպարտ լինես», գրոհայինները վրացերենով պատմում են, թե ինչպես են ժամանել Վրաստանից Սիրիա, և ինչպես են զոհվել իրենց համերկրացիները մարտական գործողությունների ժամանակ: Ենթադրաբար երկուշաբթի հրապարակված տեսանյութն ավարտվում է ջիհադիստներից մեկի շնորհակալությամբ`ուղղված «Վրաստանի շահիդների» ծնողներին, ինչպես նաև կոչերով`ուղղված բոլոր վրաստանաբնակներին`անհապաղ «գալ Խալիֆայության երկիր» և «գերադասել 1 օրվա կյանքը հնազանդության մեջ»: Տեսանյութը չի հայտնվել «Իսլամական պետության» այսպես կոչված «պոշտոնական» ալիքների և կայքերի եթերում, ինչը անհնար է դարձնում հիմնավորելը, որ այն պատրաստված է հենց ԻԼԻՊ-ի կողմից, սակայն, ինչպես նշում է «BBC»-ն, տեսանյութը կրում է «Furat» մեդիակենտրոնի լոգոտիպը, ինչը կապված է «ԻԼԻՊ»-ի հետ: Վրաստանի հատուկ ծառայությունները հայտնել են «BBC»-ին, որ տեսանյութում հանդես եկեղ անձանց ինքնության շուրջ արդեն քննություն է կատարվում: