Երեկ՝ սեպտեմբերի 8-ին, ավտովթար է տեղի ունեցել Երևանում։ Ժամը 07։50-ի սահմաններում Թբիլիսյան խճուղի և Թբիլիսյան խճուղու նրբանցքի խաչմերուկում բախվել են Երևան քաղաքի Սվաճյան փողոցի բնակիչ՝ 47-ամյա Էդուարդ Մանգասարյանի վարած Mercedes մակնիշի 17 MG 717 համարանիշի, Արմավիրի մարզի Աղավնատուն գյուղի բնակիչ՝ 35-ամյա Նարեկ Գևորգյանի վարած ВАЗ 2107 մակնիշի 34 TV 871 համարանիշի և Երևան քաղաքի Մամիկոնյանց փողոցի բնակիչ՝ 31-ամյա Դավիթ Աղաբեկյանի վարած Mercedes մակնիշի 80 DA 707 համարանիշի ավտոմեքենաները։
Ինչպես հայտնում է ֆոտոլրագրող Գագիկ Շամշյանը, վթարի հետևանքով վարորդներից Դ. Աղաբեկյանը, ավտոմեքենաների ուղևորներ՝ 32-ամյա Արուսյակ Աղաջանյանը տեղափոխվել են Հերացու թիվ 1 համալսարանական հիվանդանոց, իսկ 69-ամյա Մարիետա Լախոյանը՝ «Արմենիա» բժշկական կենտրոն, իսկ անչափահասներ՝ 6-ամյա Վալերի Աղաբեկյանը, 2-ամյա Առնո Աղաբեկյանը և 2017 թվականին ծնված Մարկ Աղաբեկյանը մարմնական վնասվածքներով տեղափոխվել են «Սուրբ Աստվածամայր» բժշկական կենտրոն։ Դեպքի վայր են ժամանել Ճանապարհային Ոստիկանության 1-ին սպայական գումարտակի ծառայողները։ Վթարի մասին ՃՈ օպերատիվ կառավարման կենտրոնի պատասխանատու հերթապահ Արսեն Հարությունյանը տեղեկությունը փոխանցել է Ճանապարհային ոստիկանության Ճանապարհատրանսպորտային պատահարների գործերով հետաքննության և վարչական վարույթի իրականացման բաժանմունք, որտեղից ժամանել է հետաքննիչ Աշոտ Դարբինյանը, ում կողմից փաստի առթիվ նյութեր են նախապատրաստվում։
Գ. Շամշյանի տեղեկություններով՝ վարորդներից Ն. Գևորգյանը աշխատում է «Իդեալ» խանութ-սրահում, վիրավորներից Ա. Աղաջանյանն աշխատում է «Ինեկոբանկ»-ում՝ որպես վարկային մասնագետ, իսկ վիրավոր երեխաները Դ. Աղաբեկյանի երեխաներն են։ Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով ահմանված կարգով` դատարանի` օրինական ուժի մեջ մտած դատավճռով:
Ապրիլի 29-ին՝ ժամը 12։00-ին, Հայելի ակումբի հյուրն է Ալբերտ Բազեյանը
Ապրիլի 29-ին՝ ժամը 16։30-ին, Հայելի ակումբի հյուրն է Նաիրա Գևորգյանը
Ապրիլի 29-ին՝ ժամը 15։30-ին, Հայելի ակումբի հյուրն է Արմենուհի Կյուրեղյանը
Ապրիլի 29-ին՝ ժամը 13։30-ին, Հայելի ակումբի հյուրն է Արմինե Ադիբեկյանը
Ապրիլի 29-ին՝ ժամը 12։30-ին, Հայելի ակումբի հյուրն է Կարինե Նալչաջյանը
Ապրիլի 28-ին՝ ժամը 16։00-ին, Հայելի ակումբի հյուրն է Վոլոդյա Հովհաննիսյանը
Ապրիլի 28-ին՝ ժամը 12։00-ին, Հայելի ակումբի հյուրն է Էդիկ Անդրեասյանը
Ապրիլի 28-ին՝ ժամը 13։30-ին, Հայելի ակումբի հյուրն է Հովհաննես Շահինյանը
Ապրիլի 28-ին՝ ժամը 15։30-ին, Հայելի ակումբի հյուրն է Կարապետ Պողոսյանը
Ապրիլի 28-ին՝ ժամը 15։00-ին, Հայելի ակումբի հյուրն է Աժ պատգամավոր Գառնիկ Դանիելյանը
Հետևեք մեզ Viber-ում
