Կեղտոտ շորերով կասկածելի մարդ են տեսել, պարզվել է՝ ադրբեջանցին է․ Աճանանի գյուղապետ
Քիչ առաջ ՀՀ պաշտպանության նախարարությունը հայտնեց, որ ապրիլի 13-ին ՀՀ տարածքում հայտնաբերվել և ձերբակալվել է ադրբեջանցի երկրորդ զինծառայողը:
MediaHub-ի տեղեկություններով` ադրբեջանցի զինծառայողը հայտաբերվել է Կապան համայնքի Նորաշենիկ ենթաշրջանի Աճանան գյուղում։
Աճանանի գյուղապետը՝ Գարիկ Աթայանը MediaHub-ին պատմեց, որ մայրուղու տարածքում գյուղացիները կեղտոտ, կանաչ շորերով մեկին են տեսել, որը կասկածելի է թվացել իրենց։
«Գյուղացիները հետո ոստիկաններին են կանչել, ձերբակալել են։ Գյուղ չի մտել։ Մարդիկ պարզապես այդ ճանապարհահատվածում գործ անելիս են եղել, ինքն էլ, դե, երևի տեսել է մարդաշատ է, գյուղ չի բարձրացել»,-ասաց նա։
Հիշեցնենք, որ օրեր առաջ Ադրբեջանի ՊՆ-ի հայտարարության համաձայն՝ եղանակային անբարենպաստ պայմանների՝ ցածր տեսանելիության հետևանքով Նախիջևանի ուղղությամբ ադրբեջանցի երկու զինծառայող է մոլորվել։
Ավելի ուշ պարզ դարձավ, որ ադրբեջանցի զինծառայողներից մեկը Սիսիանի գյուղերից մեկում է հայտնվել։ Նա ձերբակալվեց:
Նախօրեին ԱԺ-ում Նիկոլ Փաշինյանը հայտարարեց, որ ադրբեջանցին չի ցանկանում վերադառնալ Ադրբեջան:
Հետևեք մեզ Viber-ում
