Երևանում շինհրապարակի տարածքում հայտնաբերվել է աշխատակցի դին

Այսօր՝ մարտի 25-ին, ողբերգական դեպք է տեղի ունեցել Երևանում։Ժամը 14:40-ի սահմաններում՝ ՀՀ Ներքին գործերի նախարարության ոստիկանության օպերատիվ կառավարման կենտրոն ահազանգ է ստացվել քաղաքացուց, ով հայտնել է, որ Սևանի փողոցի 21/5 հասցեում գործող շինհրապարակում դի կա։ Այս մասին հայտնում է shamshyan.com-ը։

Ահազանգը փոխանցվել է ոստիկանության Շենգավիթի բաժին, որտեղից ժամանել է օպերատիվ խումբը, բաժնի պետի ծառայության գծով տեղակալ Չիբուխչյանի գլխավորությամբ։

Ժամանել են նաև ՀՀ ՆԳՆ ոստիկանության պարեկային ծառայության Երևան քաղաքի գնդի 2-րդ գումարտակի 1-ին վաշտի պարեկները՝ գումարտակի հրամանատարի տեղակալ Դավիթ Նիկողոսյանի, վաշտի հրամանատար Հայկ Արոյանի գլխավորությամբ։