Վահե Ղազարյանը՝ պարեկի կողմից տղամարդուն սպանելու մասին (video)
ՆԳՆ նախարար Վահե Ղազարյանն այսօր՝ մարտի 15-ին, ԱԺ-ում չպատասխանեց լրագրողների բազմաթիվ հարցերին, որոնք վերաբերում էին թե պարեկի կողմից կացնով զինված քաղաքացու վրա կրակելուն եւ սպանելուն, թե գողություն անող պարեկին, թե Նիկոլ Փաշինյանի դասարանցին լինելու հանգամանքին, թե քաղաքական կաշկանդվածությանը:
Նախարարը միայն նշեց, որ քաղաքացու վրա կրակելու դեպքի հետ կապված կա հարուցված քրեական վարույթ, կատարվում է նախաքննություն:
Նա հավաստիացրեց, որ ոստիկանությունը երբեք քաղաքականությանը չի խառնվել ու չի խառնվելու:
Հարցին, թե դուք քաղաքական կաշկանդվածություն չունե՞ք, չեք դարձել քաղաքական գործիք, Նիկոլ Փաշինյանի անվտանգության ապահովողը՝ լինելով նրա դասարանցին, նախարարը միայն ասաց, որ ինքն ու վարչապետը զուգահեռ դասարանից են եղել, նույն դասարանից չեն եղել:
«Եկեք պայմանավորվենք, որ 100 օրը լրանալու առիթով կհրավիրեմ նախարարություն եւ կպատասխանեմ ձեր բոլոր հարցերին, իսկ հիմա շտապում եմ»,-ասաց Վահե Ղազարյանն ու իջավ վերելակով:
Հետևեք մեզ Viber-ում
