Տավուշի մարզում բախվել են ГАЗ 3110-ն ու Niva-ն. 4 վիրավորներից 2-ը երեխաներ են

Փետրվարի 23-ին  ավտովթար է տեղի ունեցել Տավուշի մարզում: Ժամը 20:30-ի սահմաններում Բերդ-Տավուշ ավտոճանապարհի 3-րդ կմ հատվածում բախվել են 34-ամյա Գոռ Չոբանյանի վարած ГАЗ 3110 մակնիշի 35 ՏP 230 համարանիշի և 55-ամյա Սամվել Մելիքյանի վարած ВАЗ 2121 մակնիշի 02 ՍՏ 055 համարանիշի ավտոմեքենաները: Ինչպես հայտնում է ֆոտոլրագրող Գագիկ Շամշյանը, վթարի հետևանքով 2 վարորդներն ու ГАЗ 3110-ի ուղևորներ` 5-ամյա Սուսաննա Չոբանյանը և 6-ամյա Սուսաննա Փայտյանը քաղաքացների օգնությամբ դուրս են բերվել ավտոմեքենայից և տեղափոխվել Բերդ քաղաքի բժշկական կենտրոն: Նշված կենտրոնից ֆոտոլրագրողին ասել են, որ վիրավորների առողջական վիճակը գնահատվում է բավարար: Նրանց կյանքին և առողջությանը վտանգ չի սպառնում: Դեպքի վայր է ժամանել Բերդ քաղաքի հրշեջ-փրկարարական ջոկատը` 1 մարտական հաշվարկով, ովքեր հոսանքազրկել են ավտոմեքենաները և փակել ГАЗ 3110-ի գազի բալոնի փականը, քանի որ եղել է գազի արտահոսքի վտանգ: Դեպքի վայր են ժամանել ճամապարհային ոստիկանության 2-րդ սպայական գումարտակի 4-րդ վաշտի աշխատակիցները: Փաստի առթիվ Հայաստանի քննչական կոմիտեի Տավուշի մարզային քննչական վարչության Բերդի քննչական բաժնում նյութեր են նախապատրաստվում: