Դաժան սպանություն Կոտայքի մարզում. 31-ամյա տղամարդը ծեծելով, ապա խեղդամահ անելով՝ սպանել է քաղաքացուն

Այսօր՝ օգոստոսի 25-ին, Երևանի հիվանդանոցներից մեկում մահացել է երեկ՝ օգոստոսի 24-ին, հիվանդանոց տեղափոխված Նոր Հաճն քաղաքի Թումանյան փողոցի 11 շենքի բնակիչ՝ 61-ամյա Վալեր Մարգարյանը; Ինչպես հայտնում է shamshyan.com-ը, վերջինս հիվանդանոց էր տեղափոխվել երեկ, առավոտյան ժամը 09։30-ի սահմաններում, իր բնակարանից։ Ֆոտոլրագրողի տեղեկություններով՝ նա տեղափոխվել էր «պոլիտրավմա» ախտորոշմամբ։ Հիվանդանոց մեկնած Ոստիկանության Նաիրիի բաժնի օպերատիվ խումբը, ինչպես նաև Հայաստանի քննչական կոմիտեի Կոտայքի մարզային քննչական վարչության քննիչները պարզել են, որ տեղի ունեցածը սպանություն է։ Դատաբժիշկն էլ հայտնել է, որ Վ. Մարգարյանը մահացել է խեղդվելու հետևանքով։ Նշված հանցագործությունը կատարելու կասկածանքով Նոր Հաճն քաղաքի Թումանյան փողոցի 11 շենքից Ոստիկանության Նաիրիի բաժին է բերման ենթարկվել 31-ամյա Հովակիմ Ղանդիլյանը, ով փաստերի ճնշման տակ խոստովանել է, որ իր բնակարանում նախ ծեծի է ենթարկել Վ. Մարգարյանին, այնուհետև խեղդամահ արել։ Գ. Շամշյանը հայտնում է, որ մահացածը ՌԴ քաղաքացի էր։ Մանրամասները՝ shamshyan.com-ում