Հայաստանի կոմունիստական կուսակցությունն իր կայքում կազինո է գովազդում

  «Հրապարակ» օրաթերթը գրում է. «Ո՞վ կսպասեր, որ Հայաստանի կոմունիստական կուսակցությունն իր կայքում կազինո կգովազդի։ Եթե «Գուգլ» որոնողական համակարգում գրեք «Հայաստանի կոմունիստական կուսակցություն», առաջին լինքերից մեկը կլինի Վիքիպեդիայում ՀԿԿ էջը։ Այստեղ շատ կարճ տեղեկություններ են՝ երբ է հիմնվել, ովքեր են քարտուղարները եղել։ Իսկ աջ անկյունում՝ վառ կարմիր աստղի տակ, ՀԿԿ-ի հետ կապված հղումներն են՝ գաղափարախոսություն, քաղաքական հայացքներ և այլն։ Վերջում էլ կայքի հասցեն՝ kp-armenia.ru: Մի պահ մոռանանք, որ Հայաստանի կոմկուսի կայքը «ru» վերջավորությամբ է ավարտվում։ Բայց այդ հղումով բացվում է վիրտուալ կազինոյի էջը՝ «azartslotskazino», որտեղ փողով խաղեր են առաջարկվում այցելուին։ ՀԿԿ ղեկավար Տաճատ Սարգսյանը երեկ չկարողացավ բացատրել, թե որն է խնդիրը, ասաց՝ մասնագետը չկա»։ Մանրամասները՝ «Հրապարակ» թերթի այսօրվա համարում: