Փաշինյանն անձամբ է ուղղորդել քննությանը. ես իմ երեխուն արտաշիրիմում եմ անելու․ Մահացած զինվորի պապիկ (video)
Մենք եկել ենք նախարարությունից պահանջում ենք, որ արձագանք տան, քննությունների վերաբերյալ, որովհետեւ մեկ ամիս անցել է, ոչ մի տեղեկություն, ոչ մի հանդիպում չեն անում: Այս մասին այսօր՝ փետրվարի 20-ին, ՊՆ-ի շենքի դիմաց բողոքի ակցիայի ժամանակ նշեց հունվարի 19-ին Ազատ գյուղի զորամասի կացարանի հրդեհից մահացած զինվորներից Արտյոմ Գրիգորյանի պապը:
«Մենք շատ վարկածներ ունենք, ունենք վարկած, թե ինչու են երեխաները այդ անբարենպաստ պայմաններում ծառայել, ինչու են երեխեքին, որ մահացած են եղել ու իրենք վառել են, կա՞ արդյոք հետազոտություն, նկարահանված մի պահ, որ երեխեքին դուրս են հանել:
Ինչի համար են երեխեքը մահացել: Մենք գնացել ենք ծնողներով նայել ենք, ազատ գյուղում կացարենը, մաքրել ենք, գտել ենք մի քանի տեսակի իրեր, որոնք իրենք չեն հանել: Ամեն մի իրը կարող էր մի բան նշանակել ու մի բացահայտում լինել: Հատակը չի վառվել: Ո՞նց եղավ, որ երեխաները վառվեցին, հատակը չվառվեց:
Ես արդեն գիտեմ, որ ուզում են կոծկել, ես արդեն ասել եմ, որ իմ երեխու գերեզմանը չբետոնապատեն, որովհետեւես պետք է արտաշիրիմում անեմ, սրանց վրա հույս դնել չկա»,-ասաց նա:
Հետևեք մեզ Viber-ում
