Ադրբեջանցիները սկսել են խուզարկել նաև ռուս խաղաղապահների մեքենաները. YerevanLive
YerevanLive (https://t.me/liveYerevan) -ի տեղեկություններով, երեկվանից՝ փետրվարի 14-ից սկսած, ադրբեջանական կողմը Լաչինի միջանցքում մանրամասն զննում է անգամ ռուս խաղաղապահների մեքենաները։
Արցախ մտնող և դուրս եկող բոլոր մեքենաները, այդ թվում ռուս խաղաղապահներին պատկանող, կանգնեցվում են ադրբեջանցի զինծառայողների կողմից և ենթարկվում մանրազնին խուզարկության։
Թե ինչով է պայմանավորված ադրբեջանական կողմի լկտի պահվածքը, կարելի է կռահել, սական անհասկանալի է ռուսական կողմի լուռ համաձայնությունը՝ ադրբեջանցիների գործողություններին։
Ի դեպ, նշենք, որ երեկ տեղի է ունեցել Պուտին-Ալիեւ հեռախոսազրույցը ու կարող ենք ենթադրել, որ խաղաղապահների «խուզարկությունը» նշված զրույցի արդյունքն է կամ հետեւանքը։