ՔԿ-ն մանրամասներ է հայտնում

Պեմզաշենում 31-ամյա Զարինեի և նրա երկու երեխայի առանձնակի դաժանությամբ սպանության մեջ մեղադրվող Վրույր Բարսեղյանին ընտանիքը հայրը ճանաչել է որպես համագյուղացի, սակայն նրա հետ շփում չի ունեցել, իսկ մեղադրյալ Արկադի Բարսեղյանի հետ գտնվել է նորմալ փոխհարաբերությունների մեջ։ Այս մասին «Փաստինֆո»-ի գրավոր հարցմանն ի պատասխան հայտնել են Քննչական կոմիտեից։

Ինչպես արդեն տեղեկացրել ենք՝ ողբերգական դեպքը տեղի է ունեցել 2022թ նոյեմբերի 9-ին՝ Շիրակի մարզի Պեմզաշեն գյուղում. սեփական տանը հայտնաբերվել է 31-ամյա Զարինե Մելիքսեթյանի, նրա երկու երեխայի մարմինները։ Սպանությունը եղել է առանձնակի դաժանությամբ, իսկ երեխաներից մեկի՝ 12 տարեկան աղջիկա նկատմամբ նաև սեռական բռնություն է գործադրվել։ Քրեական վարույթի շրջանակներում ձերբակալվել, ապա կալանավորվել են Վրույր և Արկադի Բարսեղյանները։

Ի սկզբանե բարձրաձայնվել էր Վրույր Բարսեղյանի հոգեկան հիվանդություն ունենալու հանգամանքը, սակայն, ինչպես արձանագրվել է նրա նկատմամբ իրականացված դատահոգեբանական-դատահոգեբուժական փորձաքննությամբ՝ Վրույր Բարսեղյանը ճանաչվել է մեղսունակ, արձանագրվել է, որ նա գիտակցել է կատարվածը։

Վարույթի շրջանակներում նշանակվել են մի շարք փորձաքննություններ, որոնց մի մասի եզրակացությունը դեռևս չի ստացվել, իրավապահները նաև զերծ են մնում մանրամասնելուց, թե արդյո՞ք ստացված եզրակացություններով հաստատվել է, որ երեխայի նկատմամբ սեռական բռնությունը Վրույր Բարսեղյանի կողմից է եղել։ Մասնավորապես, ՀՀ ք ննչական կոմիտեից «Փաստինֆո»-ի գրավոր հարցմանն ի պատասխան հայտնել են, որ վարույթով նախաքննության ընթացքում նշանակվել են դիակների դատաբժշկական փորձաքննություններ, դատակենսաբանական փորձաքննություն, դատագենետիկական փորձաքննություններ, դատահետքաբանական փորձաքննություն, դատամատնադրոշմային փորձաքննություններ, որոնց եզրակացություններն ամբողջությամբ դեռևս չեն ստացվել։

Գրավոր հարցմամբ հետաքրքրվել էինք, թե ինչ վարկածներ են առաջ քաշվել, ի վերջո, որն է եղել տուն մուտք գործելու շարժառիթը, արդյո՞ք նախապես ստուգել էին՝ բնակիչները տանն են, թե ոչ, վարույթն իրականացնող մարմինը որքանով է արժանահավատ համարում մեղադրյալի պնդումները, թե իբրև գողություն կատարելու համար են մուտք գործել, ինչպես նաև՝ խնդրել էինք հայտնել, թե ինչպե՞ս է դրսևորվել Արկադի Բարսեղյանի մասնակցությունը՝ դեպքին, քանի որ սպանությունների ժամանակ ցուցաբերված առանձնակի դաժանությունը վերագրվել է Վրույր Բարսեղյանին։ Նշված հարցադրումներին, սակայն, վարույթն իրականացնող մարմինը չի պատասխանել՝ հղում կատարելով նախաքննության գաղտնիությանը։

Նշենք, որ Արկադի Բարսեղյանի պաշտպանը պնդում է, թե Արկադին դեպքի վայրում ընդհանրապես չի եղել, ինչի առնչությամբ էլ վարույթն իրականացնող մարմնից հետաքրքրվել էինք, թե ինչ գործողություններ են իրականացվել՝ հնարավոր այլուրեքությունը ստուգելու համար, արդյոք ՕՀՄ-ներ իրականացվում են, թե ոչ։ Այսպես, ՔԿ-ից հայտնել են, որ Արկադի Բարսեղյանի այլուրեքությունը ստուգելու համար վարևույթն իրականացնող մարմնի կողմից հարցաքննվել են բազմաթիվ վկաներ, իրականացվել են վարութային բազմաթիվ այլ գործողություններ։

«Քրեական վարույթով հանձնարարություններ են տրվել հետաքննության մարմնին՝ վարույթի համար նշանակություն ունեցող որոշակի հանգամանքներ պարզելու վերաբերյալ։ Այդ նպատակով հետաքննության մարմնի կողմից իրականացվում են համապատասխան օպերատիվ-հետախուզական միջոցառումներ»,- նշել են ՔԿ-ից։

Ինչ վերաբերում է տուժող Սևակ Մելիքսեթյանի և մեղադրյալների փոխհարաբերություններին, ՔԿ-ից նշել են, որ Սևակ Մելիքսեթյանը մեղադրյալ Վրույր Բարսեղյանին ճանաչել է որպես համագյուղացի, սակայն նրա հետ շփում չի ունեցել, իսկ մեղադրյալ Արկադի Բարսեղյանի հետ գտնվել է նորմալ հարաբերություններում։

Հիշեցնենք, որ նոյեմբերի 9-ին Շիրակի մարզի Պեմզաշեն գյուղում ողբերգական դեպք է տեղի ունեցել։ Գյուղի տներից մեկում հայտնաբերվել է երեք դի։ Մահացածներն են՝ մայրը՝ 31-ամյա Զարինեն, ու նրա երկու երեխաները՝ 12 տարեկան դուստրը և 8 տարեկան որդին։ Իրավապահ մարմինները հայտնել էին, որ տան ննջասենյակի մեկտեղանի մահճակալին հայտնաբերվել է արական սեռի երեխայի դի՝ կրծքավանդակի հատվածում կտրած-ծակած վերքերով՝ ձեռքերը և ոտքերը կապած վիճակում, նույն ննջասենյակի հատակին հայտնաբերվել է իգական սեռի երեխայի դի՝ կրծքավանդակի հետին մակերեսին և որովայնի հատվածներում կտրած-ծակած վերքերով, իգական սեռի դի՝ որովայնի և կրծքավանդակի հատվածներում ու կրծքավանդակի հետին մակերեսին կտրած-ծակած վերքերով՝ ձեռքերը հետնամասում թելով կապված վիճակում: Դաժան սպանության կասկածանքով նոյեմբերի 12-ին ձերբակալվել էր Շիրակի մարզի 32-ամյա բնակիչը, որը ոստիկանությունում տվել է ինքնախոստովանական ցուցմունք, հաջորդ օրը ձերբակալվել է նաև հանցանքը ենթադրաբար կատարած երկրորդ անձը՝ 41-ամյա տղամարդ։

Տղամարդիկ ազգականներ են, երկուսն էլ ամուսնացած են, ունեն երեխաներ։ Սպանված կնոջ ամուսինը ՌԴ-ում էր՝ արտագնա աշխատանքի, վերադարձել է ողբերգական դեպքից հետո։ ՔԿ տարածած հաղորդագրության համաձայն՝ մեղադրյալները տուն մուտք են գործել՝ գումար հափշտակելու համար, սակայն, տանտիրուհուց իմանալով, որ տանը գումար չկա, իրենց կողմից կատարված հանցագործությունները թաքցնելու նպատակով, նախ կապել և միմյանց գործողությունները փոխլրացնելով՝ առանձին դաժանությամբ սպանել են կնոջը, ապա 32-ամյա տղամարդը, կատարված հանցանքները թաքցնելու նպատակով, ապօրինաբար կյանքից զրկելու դիտավորությամբ, կապել է երեխաների ձեռքերն ու ոտքերը և խոհանոցային դանակով հարվածներ է հասցրել նրանց մարմնի տարբեր մասերին՝ պատճառելով կյանքի հետ անհամատեղելի մարմնական վնասվածքներ:

Տղամարդկանցից մեկին՝ 32-ամյա Վրույր Բարսեղյանին, մեղադրանք է ներկայացվել ՀՀ քրեական օրենսգրքի 155-րդ հոդվածի 2-րդ մասի 6-րդ, 8-րդ և 13-րդ կետերով, 155-րդ հոդվածի 2-րդ մասի 3-րդ , 5-րդ, 6-րդ և 13-րդ կետերով (երկու դրվագ)՝ այլ հանցանքը թաքցնելու նպատակով մի խումբ անձանց կողմից առանձին դաժանությամբ սպանության և անօգնական վիճակում գտնվող երկու անչափահասին առանձին դաժանությամբ սպանության համար, 252-րդ հոդվածի 3-րդ մասի 2-րդ կետով՝ բնակարան ապօրինի մուտք գործելով ավազակության համար և 198-րդ հոդվածի 4-րդ մասով՝ 12 տարին չլրացած անձի նկատմամբ սեռական բնույթի բռնի գործողություն կատարելու համար։ Մյուս մեղադրյալին՝ 41-ամյա Արկադի Բարսեղյանին, որը, ըստ մամուլի, Նիկոլ Փաշինյանի աջակիցն է, մեղադրանք է ներկայացվել՝ այլ հանցանքը թաքցնելու նպատակով մի խումբ անձանց կողմից սպանություն կատարելու և բնակարան ապօրինի մուտք գործելով ավազակության համար։ Երկուսն էլ կալանավորված են։

դիտվել է 857 անգամ
Լրահոս
Իշխանություններին կոչ ենք անում զերծ մնալ նման սադրանքներից «Հայաստանում իշխանափոխությունը հնարավոր է երկու ճանապարհով՝ արտաքին և ներքին». Հակոբ Բադալյան Գեղարքունիքի մարզում երկու անչափահաս «Ինֆինիտի»-ով վթարի են ենթարկվել. կա մեկ զոհ «Սպառվել է «հեղափոխական» բանանի մոգական ուժը». Կարեն Հեքիմյան Մեքենաները բախվել են ձիերի, կան ծանր վիրավորներ 18-ամյա աղջիկը մահացել է Ադրբեջանում հաստատում են իմ ասածը․ Տաթևիկ Հայրապետյան Պուտինի թոռանը մոր ազգանունն են տվել, քանի որ երեխայի հոր ազգանունը Զելենսկի է Մելիքյանը՝ Լատվիայի հետ խաղի մասին ՌԴ հակաօդային պաշտպանության ուժերը ոչնչացրել են 230 ուկրաինական անօդաչու թռչող սարք Ռուսաստանի պատասխանը ԱՄՆ-ին Մոպեդավարն ու ուղևորը ԲԿ-ում են Հայաստանի և Լատվիայի հավաքականները չպարզեցին հաղթողին Ազատ են արձակել գերեվարված 600 եմենցի զինծառայողի Գավառում բախվել են «Jeep»-ը և «Lada»-ն, վերջինը հայտնվել է դաշտում․ կա վիրավոր Էստոնիան կփակի Ռուսաստանի հետ սահմանը Լատվիա – Հայաստան․ Ֆուտբոլիստների գնահատականները «Կյանքը բումերանգ է». փաստաբանը հիշել է մի դրվագ Չեմ կարող չանդրադառնալ նաև հրեշավոր ընտրակեղծիքներին Մեկնարկել է մինչև երկու տարեկան երեխայի խնամքի նպաստի վճարման գործընթացը Հորմուզի նեղուցում երկու նավթատար նավ է խորտակվել Արտակարգ դեպք․ «Վաղարշապատ» ԲԿ-ի տարածքում առողջ և հաստաբուն ծառերի սպանդ է իրականացվել Տեղի կունենա Անդրանիկ Թևանյանի և Արեգնազ Մանուկյանի գործով հերթական դատական նիստը
Ամենաընթերցվածները
Շուտով
Նոյեմբերի 16-ին՝ ժամը 16։30-ին, Հայելի ակումբի հյուրն է Հայկ Նահապետյանը Նոյեմբերի 16-ին՝ ժամը 15։00-ին, Հայելի ակումբի հյուրն է Նաիրա Զոհրաբյանը Նոյեմբերի 13-ին՝ ժամը 14։00-ին, Հայելի ակումբի հյուրն է Լարիսա Ալավերդյանը Նոյեմբերի 13-ին՝ ժամը 13։00-ին, Հայելի ակումբի հյուրն է Աշոտ Անդրեասյանը Նոյեմբերի 13-ին՝ ժամը 12։30-ին, Հայելի ակումբի հյուրն է Խաչիկ Մանուկյանը Նոյեմբերի 13-ին՝ ժամը 10։30-ին, Հայելի ակումբի հյուրն է Տիգրան Չոբանյանը Նոյեմբերի 12-ին՝ ժամը 14։00-ին, Հայելի ակումբի հյուրն է Անաստաս Իսրայելյանը Նոյեմբերի 12-ին՝ ժամը 13։00-ին, Հայելի ակումբի հյուրն է Դերենիկ Մալխասյանը Նոյեմբերի 12-ին՝ ժամը 12։00-ին, Հայելի ակումբի հյուրն է Նարինե Դիլբարյանը Նոյեմբերի 12-ին՝ ժամը 11։00-ին, Հայելի ակումբի հյուրն է Կարինե Նալչաջյանը
Հետևեք մեզ Viber-ում https://cutt.ly/5wn8sJBS
Hayeli.am