Ինչու են ավիատոմսերը կտրուկ թանկացել

ՀՀ քաղավիացիայի վարչության պետ Սերգեյ Ավետիսյանը լրագրողների հետ զրույցում պարզաբանեց, թե ինչու են տոմսերը թանկացել: «Հայաստանից Ռուսաստան ավիատոմսերի թանկացումը կապված է նախատեսված քանակից ավելի պահանջարկի առկայությամբ: Գործընթացը շարունակական է, մենք ամեն օր կապի մեջ ենք, այսօր էլ որոշ արձագանքների ենք սպասում հավելյալ չվերթների մասով: Պետք  է բոլորս հասկանանք, որ չվերթ ավելացնելու դեպքում տվյալ ավիաընկերությունը պետք է ունենա ազատ օդանավ»,-ասաց նա: Նրա խոսքով՝ ուղղակիորեն գնային քաղաքականության վրա չեն ազդում, դա տեղի է ունենում շնորհիվ մրցակցության ավելացման: