Ձև չկա․ սատկացնելու են․․․ Խաչիկ Մանուկյան (video)

ՀՀ տարծքից 3 Երևանի չափ՝ 1000կմ քառակուսի տարածք հանձնված է թշնամուն։ Գլխավոր բարձր կետերը թշնամու ձեռքում է։ Արցախի 75 տոկոսը վաղուց էր հանձնվել թշնամուն ստորագրությամբ։ Ալիևը պնդում է, որ եռակողմ համաձայնագրի մեջ կա կետ, որ պետք է նրանց տրվի միջացք (ճանապարհ)։ Հիմա էլ Արցախը շրջափակման մեջ է։

Այսօր Հայելի մամուլի ակումբի հյուրն էր բանաստեղծ Խաչիկ Մանուկյանը։ Բանախոսը իր համոզմունքը հայտնեց, որ եթե ունենք ազգակործան ղեկավարություն, չենք կարող այս հիվանդ վիճակը կայունացնել․ «Մենք այժմ ծաղրված վիճակում ենք և լուրջ բանի հետամուտ լինելը անհնար է, քանի դեռ կա այս իշխանությունը, այս ամենը տեսնում են նաև մեծ տերությունները՝ աշխարհի մեծերը և նրանք քամահրանքով են նայում մեզ, ասում են ՝ դուք ձեր պարտության սիմվոլներին ընտրել եք, հաղթած զինվորին պարտության շորեր հագցնողին ընտրել եք, ակնհայտ էր, որ հերոսների պահած տարածքները հանձնվեցին»,- ավելացրեց Մանուկյանը։

Մեջբերելով Վազգեն Սարգսյանի խոսքերը «Ամենամեծ ստեղծագործությունը ՝ազատագրված հողն է», ավելացրեց, որ 90-ականներին գոյատևեցինք, քանի որ ունեինք նման սպարապետ, իսկ հիմա՞․․․․հիմա տաղանդավոր մարդկանց ձայնը լսելի չէ։

«Այս մարդկանց մեջ հայրենիք չկա, սրանք արժեքներ չունեն, սրանց հետ ես որևէ հույս չեմ կապում, կազմակերպչական լուրջ աշխատանքներ են պետք »,- պնդեց բանաստեղծը։

Ըստ Խաչիկ Մանուկյանի՝ օր առաջ պետք է հեռացնել Նիկոլ Փաշինյանին․  «Պետք է ազատվենք այն մարդկանցից ովքեր չեն կարողանում բանակ ստեղծել, պետություն պահել, ովքեր ի վերջո իվիճակի չեն աշխարհին ասել, որ մենք ինքնիշխան երկիր ենք»։

Հարցին՝ ի՞նչն է խանգարում հիմա մտավորակկաներին, որ կառավարություներից պահանջեն փրկել Արցախը և Հայաստանը, Մանուկյանը պատասխանեց․ «Սա, որպես այդպիսին իշխանություն չունի, սա կարող է միայն աշխատավարձեր բարձրացնել և իր գոյը պաշտպանել, սրանք միջազգային հարթակներում չեն կարող խոսք բարձրացնել»։

Մինչև այսօր դիակներ ունենք սահմանին, ոչ մի պետություն մեզ համար չի կռվելու, դա մենք պետք է անենք։

Մանուկյանը ավելի լուրջ կորուստների է սպասում, եթե այս ազգակործանները մնան։

Մարինե Դվոյան