Ցեղասպանությունն էլ ինչպե՞ս է լինում 21-րդ դարում. Վերջապես «արթնացան»

Արդեն 48 ժամից ավելի է ադրբեջանցիները փակ են պահում Արցախը Հայաստանին կապող միակ ճանապարհը՝ Լաչինի միջանցքը,

Հայաստանն Արցախին կապող միակ ճանապարհը, հիշեցնենք, որ փակ է դեկտեմբերի 12-ի առավոտից։ Շուշիի հատվածում միջանցքը փակած ադրբեջանցիներն իրենց անվանում են՝ «բնապահպաններ», ճանապարհի հենց մեջտեղում վրաններ են տեղադրել, խարույկ վառել, ճանապարհը փակ է նաև շտապօգնության մեքենաների համար։
Երեկ երեկոյան էլ Ադրբեջանը խափանել է նաև Արցախի գազամատակարարումը:
Արցախում ճգնաժամային այս իրավիճակի երկրորդը միայն՝ միջազգային հանրությունը վերջապես արթնացավ:

Եվրամիությունը կոչ է արել Ադրբեջանի իշխանություններին՝ ապահովել Լաչինի միջանցքով տեղաշարժի ազատությունն ու անվտանգությունը՝ համաձայն 2020 թվականի նոյեմբերի 9-ի եռակողմ հայտարարության։ «Տեղաշարժի ազատության սահմանափակումները զգալի անհանգստություն են պատճառում տեղի բնակչությանն ու հումանիտար մտահոգություններ առաջացնում»,- հայտարարել է Եվրամիության Արտաքին քաղաքականության հարցերով մամուլի խոսնակ Պետեր Ստանոն՝ հավելելով, թե «այլ մտահոգությունները կարող են և պետք է լուծվեն կողմերի երկխոսության և խորհրդակցությունների միջոցով»։

Եվրամիությունը նաև վերահաստատում է զսպվածություն ցուցաբերելու իր կոչը և պատրաստակամություն հայտնում աջակցել այդ ջանքերին։ Խոսնակի հայտարարությունում նաև նշվում է, որ Միությունը դեկտեմբերի սկզբից է լուրջ մտահոգությամբ հետևում Լաչինի միջանցքի շուրջ տեղի ունեցող զարգացումներին։ Պետեր Ստանոն թվիթերյան գրառմամբ նշել է, որ Եվրամիությունը նաև մտահոգված է Ղարաբաղի գազամատակարարումը անջատելու մասին հաղորդումներով:

Ֆրանսիան էլ կոչ է անում վերականգնել Լաչինի միջանցքով երթևեկությունն առանց նախապայմանների։ Այս մասին ասվում է Ֆրանսիայի արտգործնախարարության հաղորդագրությունում։ «Ֆրանսիան կոչ է անում վերականգնել Լաչինի միջանցքով Լեռնային Ղարաբաղի մատակարարումը առանց որևէ պայմանի՝ հարգելով այնտեղ բնակվող բնակչության իրավունքները», - ասվում է երեքշաբթի օրը տարածված կոմյունիկեի մեջ։

Փարիզը նաև հիշեցրել է «հրադադարի մասին 2020 թվականի նոյեմբերի 9-ի եռակողմ հայտարարության դրույթների պահպանման անհրաժեշտությունը»։ «Ադրբեջանը պարտավորվել է երաշխավորել Լաչինի միջանցքով երկու ուղղություններով մարդկանց, տրանսպորտի և ապրանքների տեղաշարժի անվտանգությունը», - ընդգծում է Ֆրանսիայի արտգործնախարարությունը:

Ադրբեջանի կողմից Արցախը Հայաստանին կապող միակ ճանապարհի արգելափակման հետևանքով փաստացի շրջափակված են Շուշիի շրջանի Մեծ շեն, Հին շեն, Եղծահող և Լիսագոր համայնքները: Արցախից հաղորդում են, որ ճանապարհի փակման պատճառով սննդամթերքի, մասնավորապես, հացի և ալյուրի, ինչպես նաև առաջին անհրաժեշտության այլ ապրանքների մատակարարումը դեպի տվյալ բնակավայրեր Արցախից չի իրականացվում:

Լաչինի միջանցքի փակումը ծանր մարդասիրական հետևանքներ ունի և խոչընդոտում է խաղաղության գործընթացին, հայտարարել է ԱՄՆ Պետդեպարտամենտի խոսնակը: «Կոչ ենք անում Ադրբեջանի կառավարությանը վերականգնել ազատ տեղաշարժը միջանցքով: Առաջ գնալու ճանապարհը բանակցություններն են», - գրել է Նեդ Փրայսը Թվիթերում:
Խոսնակը թեմային անդրադարձել է նաև երեքշաբթի օրը Պետդեպարտամենտում կայացած ճեպազրույցի ժամանակ: Փրայսը մատնանշել է իր թվիթերյան գրառումը՝ մանրամասնելով. - «Մենք հստակեցրել ենք, որ Լաչինի միջանցքի փակումը ծանր հումանիտար հետևանքներ ունի: Այն հետ է մղում խաղաղ գործընթացը: Կոչ ենք անում Ադրբեջանի կառավարությանը վերականգնել ազատ տեղաշարժը միջանցքով: Ճանապարհը դեպի առաջ բանակցությունների միջոցով է»:

Պետդեպարտամենտի խոսնակը հատուկ ընդգծել է, որ էներգետիկ ենթակառուցվածքի խափանումը, ինչի մասին հաղորդումներ են ստացվում, կարող է հումանիտար ճգնաժամ առաջացնել՝ «հատկապես երբ մուտք ենք գործում ձմռան ամիսներ»: «Եթե դա միտումնավոր է, անընդունելի է Լեռնային Ղարաբաղի քաղաքացիական բնակչության թիրախավորումը», - հայտարարել է Նեդ Փրայսը:

Ցեղասպանությունն էլ ինչպե՞ս է լինում 21-րդ դարում, եթե ոչ այս կերպ: Էլ ի՞նչ պետք է անի Ադրբեջանը, որպեսզի քաղաքակիրթ աշխարհը, կամ ինչպես ընդունված է ասել՝ միջազգային հանրությունը հասկանա, որ Բաքուն իր հայատյաց քաղաքականությամբ ոչ թե խաղաղության է ձգտում հասնել Հայաստանի ու Արցախի հետ, այլ՝ հայերի ոչնչացման:

Մետաքսյա Շալունց

դիտվել է 3572 անգամ
Լրահոս
ԱՎԾ-ն հրապարակել է սարսափելի թվեր. ինքնահռչակ տգետը քանդում է պետությունը և տնտեսությունը Ուժեղի հետ Թուրքիան միշտ համագործակցում է, իսկ թույլին հարվածում. Արա Պողոսյան Կարող է դոլարի «обвал» լինի, արթնանանք, տեսնենք՝ 1 դոլարն արժե 100 դրամ. դա աղետ կլինի մեր տնտեսության համար. Հրանտ Բագրատյան Առաջընթացը Հայաստան-Թուրքիա ուղղությամբ իր դրական ազդեցությունը կունենա Հայաստան-Ադրբեջան կարգավորման վրա. Միրզոյան ԱՄՆ-ն օրական մինչև 3 մլրդ դոլար է վաստակում նոր մաքսատուրքերից ԱՄՆ-ն և Իրանը կարող են փոխել բանակցությունների վայրը Քրեակատարողական հիմնարկի աշխատակցի տան դռան բռնակին հայտնաբերվել է պայթուցիկի նմանվող կասկածելի իր. ժամանել են սակրավորները Նիկոլ Փաշինյանի համար թալանելը, տուգանելը նորաձև է, իսկ «հայկական ագոռան»՝ հնաձև Ռուբեն Վարդանյանն ուղերձներ է փոխանցել ԵԱՏՄ–ից դուրս գալը և դեպի ԵՄ շրջվելը լուրջ տնտեսական հետևանքներ կունենա. Սամվել Կարապետյան Իշխանությունը հետևողականորեն ձգտում է «նոր» Հայաստանի մի մոդելի, որտեղ պատմությունը կամ փոխարինվում է տեխնոկրատական լեզվով, կամ դիտարկվում որպես խանգարող հանգամանք․ Արմեն Հովասափյան Արարատ Միրզոյանն ու ՆԱՏՕ-ի ներկայացուցիչը քննարկել են խաղաղության պայմանագիրը Եվրոպայի ամենամեծ բանտը գտնվում է Թուրքիայում Եվ ոչ ոք հարց չի տա, թե ինչու է սա տեղի ունենում գերեվարումից մի քանի հարյուր օր անց. Հովհաննես Ավետիսյան Սրա տերերն են. ունեն-չունեն այս մի տղան ունեն, որին չեն կարողացել կրթության կամ գոնե արհեստի տալ. Էդգար Ղազարյան Ժամանակն է ոչ միայն խոսելու, այլ նաև գործելու. յուրաքանչյուր գործողություն ունի իր կշիռը. Դավիթ Անանյան Մեր երկրի անունից հանդես եկող անձինք կամ բացարձակ դավաճաններ են, կամ անփորձ ապուշներ «Դվին» հյուրանոցային համալիրում կրшկnցներ են հնչել Արտակարգ դեպք՝ Երևանում․ հրդեհի կանչով դեպքի վայր մեկնած հրշեջներն ու պարեկներ պարզվել են՝ ահազանգը կեղծ է Ի՞նչ արդյունք կարող են տալ հայ-ադրբեջանական բանակցությունները Թուրքիայում՝ հայասպան պետության հովանու ներքո․ Արմեն Այվազյան
Ամենաընթերցվածները
Շուտով
Ապրիլի 14_ին` ժամը 11:00-ին, Հայելի ակումբի հյուրն է Էդգար Ղազարյանը Ապրիլի 14-ին` ժամը 12:00-ին, Հայելի ակումբի հյուրն է Ռուբեն Հակոբյանը Ապրիլի 14-ին` ժամը 17:00-ին, Հայելի ակումբի հյուրն է Հայկ Նահապետյանը Ապրիլի14_ին` ժամը 15:30-ին, Հայելի ակումբի հյուրն է Զարուհի Փոստանջյանը Ապրիլի 14-ին` ժամը 15:00-ին, Հայելի ակումբի հյուրն է Գառնիկ Դանիելյանը Ապրիլի 11-ին` ժամը 11:00-ին, Հայելի ակումբի հյուրն է Դավիթ Ջամալյանը Ապրիլի 11-ին` ժամը 12:00-ին, Հայելի ակումբի հյուրն է Արամ Սարգսյանը Ապրիլի 11-ին` ժամը 13:00-ին, Հայելի ակումբի հյուրն է Վոլոդյա Հովհաննիսյանը Ապրիլի 11-ին` ժամը 14:00-ին, Հայելի ակումբի հյուրն է Աննա Մկրտչյանը Ապրիլի 11-ին` ժամը 15:00-ին, Հայելի ակումբի հյուրն է Սերգեյ Շաքարյանցը
Հետևեք մեզ Viber-ում https://cutt.ly/5wn8sJBS
Hayeli.am