Ստացվում է՝ նորից պետական պարտք ենք ներգրավվում, որ ավելի լավ կառավարենք նախորդ պարտքը․ Մինասյան

ԱԺ արտահերթ նիստում քննարկվում է «Հայաստանի Հանրապետության և Ասիական զարգացման բանկի միջև 2022 թվականի նոյեմբերի 17-ին ստորագրված «Հարկաբյուջետային կայունության և ֆինանսական շուկաների զարգացման ծրագիր» վարկային համաձայնագիրը վավերացնելու մասին» և «Հայաստանի Հանրապետության և Զարգացման ֆրանսիական գործակալության միջև 2022 թվականի նոյեմբերի 17-ին ստորագրված թիվ CAM 1016 01 վարկային համաձայնագիրը վավերացնելու մասին» նախագծերը։

Քննարկման ընթացքում իր դիտարկումներն արեց «Հայաստան» խմբակցության քարտուղար Արծվիկ Մինասյանը՝ փաստելով. «Ստացվում է պետական պարտք ենք ներգրավվում, որպեսզի ավելի լավ կառավարենք պետական նախորդ պարտքը, այս դիլեման խնդրում եմ բացատրեք․ ի՞նչ սխեմայի փոփոխության մասին է խոսքը է, որ չստացվի մենք պարտք վերցրեցինք , որպեսզի ավելի լավ կառավարենք նախկինում վերցրած պարտքը»: