Իշխան Սաղաթելյանը՝ մանդատը վայր դնելու, իր՝ հնարավոր կալանավորման ու իրենց քայլերի մասին (video)
Հունգարիայի հետ դիվանագիտական հարաբերությունների վերականգնման որոշումը հերթական խայտառակությունն է։ Այս մասին լրագրողների հետ զրույցում դեկտեմբերի 2-ին ասել է ընդդիմադիր «Հայաստան» խմբակցության պատգամավոր, ՀՅԴ Գերագույն մարմնի ներկայացուցիչ Իշխան Սաղաթելյանը։
Դա, նրա գնահատմամբ, վկայում է այն մասին, որ Հայաստանի իշխանություններն անողնաշար քաղաքականություն են վարում։ «Իշխանություններն այս քայլով ներում են քնած հայ սպային սպանած եւ Ադրբեջանում հերոսացված Ռամիլ Սաֆարովին»,- ավելացրել է Սաղաթելյանը։
Սաղաթելյանը խոսեց նաև իրենց հետագա քայլերի մասին․ «Վերջին երեք տարվա մեջ, մասնավորապես վերջին 6 ամսվա ընթացքում, այս իշխանությունների կողմից իմ ընտանիքը, իմ հարազատները ենթարկվում են հակաօրինական, ապօրինի ճնշումների՝ քրեական գործեր, խուզարկություններ, հարցաքննություններ. Ինչ կարող են՝ անում են»:
«Հայրս էլ է հարցաքննվել, հարազատներիս ընկերություններ էլ են մտել, ապօրինի գործողություններ են արել, խուզարկություններ են արել, հորս փորձում են մեղադրանք առաջադրել, մի ուրիշ գործով կանչել են հարցաքննության: Իմ հերն ինձ ասել ա՝ տղա ջան, էս պայքարից հետ կանգնել չկա, մեր տան հարսներն էլ են պատրաստ նստելու: Ինչ կարան, թող անեն: Հավանաբար մտածում են՝ այդ ճանապարհով վախեցնել, որ մեր ճանապարհից հետ կանգնենք, բայց սխալվում են»,-ասաց նա:
Հետևեք մեզ Viber-ում
