«ՀԱՊԿ-ը փլուզելու փորձեր միշտ արվել են». Դմիտրի Պեսկով
ՀԱՊԿ-ը փլուզելու փորձեր միշտ եղել են և կշարունակեն հետագայում ևս, բայց չնայած անդամ-երկրների միջև առկա հակասություններին և դժվարություններին, կառույցը ցույց է տվել իր արդյունավետությունը։ Այդ մասին «Մոսկվա․Կրեմլ․ Պուտին» հաղորդման ժամանակ ասել է ՌԴ նախագահի մամուլի քարտուղար Դմիտրի Պեսկովը, փոխանցում է ՏԱՍՍ լրատվական գործակալությունը։
«ՀԱՊԿ-ը փլուզելու փորձեր միշտ էլ եղել են եւ հետագայում էլ կշարունակվեն: Սակայն գոնե հիմա մենք տեսնում ենք, որ, չնայած բոլոր դժվարություններին, չնայած հնարավոր հակասություններին՝ նույնիսկ անդամ պետությունների միջեւ, այս կառույցը դեռեւս պահանջարկ ունի։ Եվ այն լիովին ցուց է տվել իր արդիականությունն ու արդյունավետությունը՝ նկատի ունենալով Ղազախստանում իրավիճակի կարգավորումը»,-ընդգծել է Պեսկովը։