Քանի կա ՀՀԿ-ի այդ համակարգը, միևնույնն է, թե ով կլինի վարչապետի դերում
ԱԺ «Ելք» դաշինքի պատգամավոր Գևորգ Գորգիսյանը «Առավոտ»-ին տված հարցազրույցում անդրադառնալով 2018 թ.-ին վարչապետի փոփոխության հարցին՝ ասել է. «Քանի կա ՀՀԿ-ի այդ համակարգը, միևնույնն է, թե ով կլինի վարչապետի դերում կլինի Սերժ Սարգսյանը, թե որևէ մեկը, ում հերթական անգամ Սերժ Սարգսյանը կարող է բերել, հետո քավության նոխազ սարքելով հանել, ինչպես վերջին տարիներին մենք տեսել ենք»: Թերթի հարցին՝ այսինքն` էական չէ ըստ էության, թե ով կլինի վարչապետ, քանի որ միևնույնն է՝ ՀՀԿ կողմից է լինելու, Գորգիսյանը պատասխանել է. «Հա, եթե ՀՀԿ-ն է նշանակելու, ենթադրենք Սերժ Սարգսյանը չեղավ, ուրիշ մարդ եղավ, և Սերժ Սարգսյանը շարունակեց մնալ կուսակցության ղեկավար և, այսպես ասած, ստվերային ղեկավարել երկիրը, ի՞նչ տարբերություն: Ի՞նչ տարբերություն, եթե բոլոր լծակները նորից իր ձեռքում են մնալու: Առաջիկայում միակ տարբերակը, եթե որևէ քաղաքական ուժ փորձի որևէ բան անել, դա կլինի այն պարագայում միայն, եթե լինի ժողովրդի պահանջ: Իսկ ես կասկածում եմ, որ այդ պահանջը կլինի, որովհետև բնակչության գերակշիռ մեծամասնությունը իր բողոքի իրավունքն արդեն իսկ վաճառել է»: Մանրամասները՝ թերթի այսօրվա համարում:
Հետևեք մեզ Viber-ում
