«Օրենքով գող» Էդուարդ Ասատրյանը (Թբիլիսկի) դուրս է եկել բանտից

48-ամյա «օրենքով գող» Էդուարդ Ասատրյանը (մականունը՝ Էդիկ Թբիլիսկի) դուրս է եկել Չելյաբինսկի բանտից։ «Նա լիովին կրել է պատիժը։ Եվ, ասում են, թռել է Դաղստան՝ նոր անձնագրի հետևից»,-հայտնում է ura.ru գործակալությունը՝ հղում անելով իր աղբյուրին։ Նշվում է նաև, որ Էդուարդ Ասատրյանը մտադիր է հավակնել քրեական աշխարհի նախկին առաջնորդ Ասլան Ուսոյանի (Դեդ Հասանի) ժառանգությանը, ով սպանվել է 2013 թվականին։ Էդիկ Թբիլիսկին մինչ 2012 թվականին ձերբակալվելը համարվել է Դեդ Հասանի աջ ձեռքը։ Էդուարդ Ասատրյանը ծնվել է 1968 թվականի սեպտեմբերի 14-ին, Թբիլիսիում։ Նա «օրենքով գող» է «թագադրվել» 1991 թվականին։