Ինչու են թիրախավորել Աշոտյանին. երկու պատճառ

Արդեն մի քանի օր է, իսկ ավելի կոնկրետ նոյեմբերի 5-ին՝ ընդդիմադիրների հանրահավաքի օրը, հայտնի դարձավ, որ 2018 թվականին Երեւանի բժշկական համալսարանում Պետական վերահսկողական ծառայության կողմից արված ուսումնասիրությունները 4 տարի շարունակ իրավապահ տարբեր մարմիններում դեգերելուց հետո քրեական գործի հարուցման առիթ են դարձել, որի գլխավոր թիրախն Արմեն Աշոտյանն է։ Իշխանությունը ամեն կերպ առիթներ ու ցուցմունք տվող է փնտրում  Աշոտյանին ձերբակալելու համար:

Բոլորի մոտ հարցական է, թե ինչու հենց այս փուլում թիրախավորեցին Աշոտյանին, ով արդեն 4 տարի է այս իշխանությունների ամենահիմնավոր ու խիստ քննադատներից մեկն  է, առաջամարտիկն է  հականիկոլական պայքարի , հատկապես պատերազմից հետո, որին ի դեպ  մասնակցել է զորակոչվելուց անմիջապես հետո:

Hayeli.am-ի ունեցած տեղեկություններով` շրջանառվում է երկու վարկած. առաջինն այն է, որ նիկոլենք Արցախը հանձնում են և ամենհիմնավորված ու բովանդակային հակափաստարկները հենց Աշոտյանն է բերում և տեղեկացնում, թե ինչ է կատարվում հատկապես արևմտյան ուղղության հետ կապված: Երկրորդն այն է, որ վերջերս Արմեն Աշոտյանն ու Հայկ Մամիջանյանը Բրյուսել էին գնացել, և ի թիվս այլ հանդիպումների, հանդիպել են մի շարք քաղաքական կուսակցությունների ղեկավարների հետ, որտեղ նիկոլները արդեն չորս տարի է փորձում են «քսմսվել» ու անդամ դառնալ: Արդյունքն այն է, որ Նիկոլի նման պոպուլիստ , դեմագոգ ուժերը չեն կարող դառնալ Եվրոպական լուրջ քաղաքական ընտանիքի անդամ, իսկ այդ հարցում, հակազդելու Նիկոլի եվրոպական ինտեգրմանը, ամենամեծ լուման ունի Աշոտյանը: Դա էլ է պատճառներից մեկը, որ Բրյուսել այցից  հետո  փորձում են պատժել Աշոտյանին: