Նիկոլն արևմտյան որևէ երկրում ապաստարան է փնտրում․ Անդրանիկ Թևանյան (video)
Երեկ ՌԴ նախագահ Վլադիմիր Պուտինն արել է մի շարք հայտարարություններ, որոնք վերաբերում են Հայաստանի և Արցախի անվտանգությանը և ընդհանրապես հետագա ճակատագրին, ասվել են բաներ, որոնք մեզ հայտնի էին, սակայն որոնք հերքվում էին օրվա իշխանությունների կողմից, որոնք հետագայում արդեն սկսեցին չհերքվել, այլ հաստատվել: Լրագրողների հետ ճեպազրույցում ասաց «Հայաստան» խմբակցության պատգամավոր Անդրանիկ Թևանյանը՝ մի քանի ուղերձ հղելով հասարակությանը:
«Առաջին՝ 44-օրյա պատերազմը կարող էր տեղի չունենալ, մենք կարող էինք այդ կուրուստները չունենալ, եթե Նիկոլ Փաշինյանն այդ որոշումը չկայացներ, որ պետք է գնալ այդ ճանապարհով: Հետագայում ճիշտ է՝ ինքն էլ է խոստովանում, որ կարող էր այս ամեն ինչը ահնձնել, բայց առանց զոհերի, սակայն արձանագրենք, որ մեր ռազմավարական դաշնակից երկրի ղեկավարը ֆիքսում է՝ պատերազմը կարող էր չլինել, եթե բանակցային գործընթացը փակուղի չմտներ:
Հաջորդը՝ Հայաստանը համաձայնել է, ավելի կոնկրետ պաշտոնական Երևանը՝ ի դեմս Նիկոլ Փաշինյանի, Վաշինգտոնյան փաստաթղթին, համաձայն որի Արցախը պետք է լինի Ադրբեջանի կազմում: Սա Հայաստանի իշխանության որոշումն է, որի հետևում կանգնած է բացառապես մեկ մարդու ցանկություն և մեկ մարդու մոտիվացիա: Այդ մոտիվացիան այն է, որ հետագայում Նիկոլ Փաշինյանը հնարավորություն ստանա ապաստանել որևէ արևմտյան երկրում»:
Մանրամասները՝ տեսանյութում․
Հետևեք մեզ Viber-ում
