Քաղաքապետը սպասում է «Ելք»-ի առաջարկին

Երևանի ավագանու «Ելք» խմբակցությունը առաջարկում է անվանափոխել մայրաքաղաքի այն փողոցներն ու դպրոցները, որոնք կրում են բոլշևիկների անուններ: Արդյո՞ք ՀՀԿ խմբակցությունը, քաղաքապետ Տարոն Մարգարյանի գլխավորությամբ կողմ է այս առաջարկին: «Մամուլով եմ տեսել, թող առաջարկները ներկայացնեն, կքննարկենք»,- այսօր լրագրողների հետ զրույցում ասաց Տարոն Մարգարյանն՝ անդրադառնալով «Ելք»-ի առաջարկին։ Թե ո՞րն է անձամբ քաղաքապետի դիրքորոշումն այս հարցի շուրջ, Տարոն Մարգարյանը պատասխանեց. «Մի հատ առաջարկները հասկանանք, հետո մենք մեր կարծիքն անպայման կհայտնենք»։