Չինաստանում հզոր երկրաշարժից հետո հազարից ավելի հետցնցումներ են գրանցվել

Չինաստանի Սիչուան նահանգի իշխանությունները հզոր երկրաշարժից հետո ավելի քան 45 հազար զբոսաշրջիկի են տարհանել վտանգավոր շրջաններից: Այս մասին գրում է ՌԻԱ Նովոստին: Ինչպես նշվում է՝ երկրաշարժից հետո անցած 20 ժամվա ընթացքում հազարից ավելի հետցնցումներ են գրանցվել: Նշվում է, որ հետցնցումների մագնիտուդը տատանվում է. դրանցից ամենաուժեղի մագնիտուդը կազմել է 4,8: Աղետի գոտում ավելի քան հազար շինություն է վնասվել, ճանապարհներ են փակվել, էլեկտրաէներգիան մատարարվում է խափանումներով: Որոնողա-փրկարարական աշխատանքները շարունակվում են, որոնց մասնակցում են փրկարարներ, զինծառայողներ, ոստիկաններ եւ հրշեջներ: Ըստ վերջին տվյալների, երկրաշարժի զոհ է դարձել 19 մարդ, եւս 247-ը տուժել են: