Ես դեռ կապացուցեմ․․․ Էրիկ Ալեքսանյան (video)
Փաստաբան Էրիկ Ալեքսանյանը վստահեցնում է՝ կաշառքի մեղադրանքի մասին խոսք չկա ու չի էլ կարող լինել։
«Ինձ ճանաչող մարդիկ շատ լավ գիտեն, որ ես չեմ կարող ներգրավված լինել որևէ կոռուպցիոն հանցագործության մեջ», - դատարանի բակում լրագրողների հետ զրույցում ասաց Ալեքսանյանը։
Նա նշեց, թե իրեն առաջադրված մեղադրանքով՝ իբրև, ինքն օժանդակել է պաշտոնատար անձին՝ դատավոր Արուսյակ Ալեքսանյանին, որ վերջինս չարաշահի իր լիազորությունները։
«Մեղադրանքը չեմ ընդունում, այն հորինված է, կարող եմ բնորոշել որպես մերկապարանոց հայտարարություն», - ասաց փաստաբանը։
Ալեքսանյանը պնդեց՝ իր նկատմամբ կատարվողը ոչ այլ ինչ է, քան՝ մասնագիտական գործունեությանը միջամտել։
«Սա ինձ լռեցնելու փորձ է։ Ես բացարձակապես կալանավորվելուց չեմ վախենում, ես քննության ընթացքում կապացուցեմ, որ ոչ միայն մեղավոր չեմ, այլև որևէ առնչություն չունեմ նրա հետ, ինչ ինձ վերագրվում է», - հայտարարեց փաստաբանը։
Էրիկ Ալեքսանյանն ազատ էր արձակվել դատարանի նիստերի դահլիճից, քանի որ լրացել է նրա ձերբակալման ժամկետը։
Հետևեք մեզ Viber-ում
