Երեւան-Օրենբուրգ ավտոբուսը անսարքության պատճառով կանգ է առել

Rusarminfo.ru-ի փոխանցմամբ, Երեւանից Օրենբուրգ մեկնող ավտոբուսը փչացել է եւ կանգ առել Վոլգոգրադում:Ուղեւորները ստիպված են եղել ողջ գիշերն անցկացնել Բամբուկովայա կայարանում: Արդեն օգոստոսի 7-ի առավոտյան ուղեւորներին եւ վարորդին այցելել են տեղի հայ համայնքի ներկայացուցիչները: «ФоениксТранс» կամ «НонаТур» ընկերություններից մեկին պատկանող ավտոբուսի վերանորոգումից հետո մասնագետները նշել են, որ նման վիճակի տրանսպորտային միջոցն իրավունք չունի նման երթուղի իրականացնելու: