«Փյունիկը» գլխավոր նոր մարզիչ ունի

«Փյունիկ» ֆուտբոլային ակումբը մեկ տարվա պայմանագիր է կնքել ռուս մասնագետ Ալեքսեյ Երյոմենկոյի հետ: Մասնագետի օգնականն է լինելու է Ումար Մարխիևը: Ալեքսեյ Երյոմենկոն որպես ֆուտբոլիստ հանդես է եկել Մոսկվայի «Սպարտակ» (1986-1987 թթ.) և «Դինամո» (1988-1990 թթ.) թիմերում: Եղել է ֆիննական «Յարոյի» (2009-2016 թթ.) և Կարագանդայի «Շախտյորի» (2016-2017թթ.) գլխավոր մարզիչը: Ումար Մարխիևը երկար տարիներ աշխատել է ֆիննական «Յարոյում»՝ որպես գլխավոր մարզչի օգնական: Վերջին տարին մարզում էր ռուսական «Անգուշտ» ֆուտբոլային ակումբը: Վերջին երկու ամիսների ընթացքում երևանյան թիմը մարզում էր Արմեն Գյուլբուդաղյանցը: Այժմ նա զբաղեցնելու է ակումբի մանկապատանեկան դպրոցի համակարգողի պաշտոնը: