Ղրիմի կամրջով ավտոտրանսպորտի երթեւեկությունը սկսվել է․ Ղրիմի ղեկավար
![Ղրիմի կամրջով ավտոտրանսպորտի երթեւեկությունը սկսվել է․ Ղրիմի ղեկավար](/timthumb.php?src=/disc/08-10-22/2720ff7d3536121ec59498e7c0875446.jpg&w=708)
Ղրիմի նահանգապետ Սերգեյ Ակսյոնովը իր Telegram-ալիքում հայտնել է, որ Ղրիմի կամրջով ավտոտրանսպորտի երթեւեկությունը սկսվել է։
«Այս պահին մարդատար ավտոմեքենաների եւ ավտոբուսների համար երթեւեկությունը բաց է ամբողջական զննման ընթացակարգով»,- գրել է նա։
Նա նաեւ դիմել է բեռնատարների վարորդներին՝ խնդրելով երթուղին պլանավորել Կերչի լաստանավային անցումն օգտագործելով։