Արտախորհրդանական ուժերի հետ Փաշինյանի հանդիպումը հարթ չի անցել

«Իրավունք» թերթը գրում է. «Նիկոլ Փաշինյանի վերջին հանդիպումը իշխանության հաճախորդ արտախորհրդանական ուժերի հետ հարթի անցել: «Իրավունքի» տեղեկությունների համաձայն` ներկաներից ամեն մեկը փորձել է իրեն դնել իր երազած ռազմական փորձագետի տեղը ու իրար դասեր տալ:

Իհարկե, հանդիպման նպատակն ամենեւին էլ նրանց խորհուրդները լսելը չի եղել, այլ հանձնարականներ իջեցնելը, թե ինչ քարոզչությամբ պետք է զբաղվի նրանցից յուրաքանչյուրը:

Նշենք, որ հանդիպմանը մասնակցել են «Հանրապետություն» կուսակցության նախագահ Արամ Սարգսյանը, Հայաստանի քրիստոնեա-ժողովրդավարական կուսակցության նախագահ Լեւոն Շիրինյանը, «Միասնական հայրենիք» կուսակցության առաջնորդ Մհեր Տերտերյանը, Սոցիալ-դեմոկրատ հնչակյան կուսակցության կենտրոնական վարչության ատենապետ Համբիկ Սարաֆյանը, Սոցիալ-դեմոկրատ հնչակյան կուսակցության Հայաստանի վարչության ատենապետ Սեդրակ Աճեմյանը, Հայաստանի եվրոպական կուսակցության նախագահող Տիգրան Խզմալյանը, «Ուժը հայրենյաց» կուսակցության առաջնորդ Տիգրան Արզաքանցյանը»:

Առավել մանրամասն՝ թերթի այսօրվա համարում