Հենց սկզբից ես առաջնորդ էի դարձել իմ որակների համար․ ստեղծված իրավիճակում ես նորից պիտի առաջնորդեմ․ Քոչարյան

«Հրապարակ օրաթերթը» գրում է․ Սիրելի հայրենակիցներ, նմանատիպ հարցերի ժամանակ ես ուղղակի պարտավոր եմ դուրս գալ էմոցիոնալ դաշտից ու փորձել շատ ավելի ռացիոնալ պատասխաններ տալ։ Դուք խոսում եք իմ որակներից, ասում, որ ստեղծված իրավիճակում ես նորից պտի առաջնորդեմ։ Ուզում եմ ասել, որ հենց սկզբից ես Ղարաբաղում առաջնորդ էի դարձել իմ որակների համար։Այս մասին «Մոսկվա» կինոթատրոնում քաղաքացիների հետ հանդիպման ժամանակ ասել է ՀՀ երկրորդ նախագահ Ռոբերտ Քոչարյանը։

Հիշեցնենք, որ «Հրապարակը» այսօր մանրամասներ ներկայացնելով փակ հանդիպումից, հայտնել էր, որ Քոչարյանը քաղաքացիներին տեղեկացրել էր, որ պատրաստ է առաջնորդել ժողովրդին, եթե ռեալ գնահատականներ ստանա, որ ունի ժողովրդի մեծամասնության աջակցությունը։

«Հենց այդ որակների համար ինձ ուղղակի խնդրեցին ու իշխանությունը նաև ինձ հանձնվեց։ Այն ժամանակ զգացին, որ իսկապես այսպիսի որակներով առաջնորդ է պետք։ Հիմա գլխավոր հարցն այն է, թե այս պահին արդյոք ժողովրդի մեծամասնությունը ուզում է այսպիսի որակներով առաջնորդ, թե ոչ»,- ասել է Քոչարյանը։