«Ահա եւ վերջ»
«Ահա եւ վերջ»,- այսպես է ԱԺ նախկին պատգամավոր Նաիրա Զոհրաբյանն արձագանքել ՀՀ վարչապետ Նիկոլ Փաշինյանի` այսօր ԱԺ դահլիճում հնչեցրած աղմկահարույց հայտարարությանը:
«Ստորագրելու ենք մի թուղթ, որի արդյունքում լիքը մարդ դավաճան կասի
Ես իմ վրա վերցրել եմ պատասխանատվություն՝ գնալու ծանր որոշումների՝ հանուն խաղաղության։
Մենք էդ որոշումներին պիտի գնանք երաշխավորելու համար ՀՀ անվտանգությունը, տևական կայունությունը, խաղաղությունը։
Մենք չենք կարող էսօր վերնագրերի ներքո գրել
«խաղաղության պայմանագիր», տակը ստորագրենք, որից 6 ամիս հետո պատերազմ սկսվի։
Մենք ուզում ենք ստորագրել մի թուղթ, որի արդյունքում մեզ լիքը մարդ կքննադատի, լիքը մարդ կհայհոյի, լիքը մարդ դավաճան կասի, նույնիսկ կարող ա ժողովուրդը որոշի մեզ իշխանությունից հեռացնել, էլի գոհ ու շնորհակալ կլինենք, որ դրա արդյունքում ՀՀ-ն 29,800 քմ/կմ տարածքով ստանա տևական խաղաղություն և անվտանգություն։
Ես շատ հստակ ասում եմ՝ էն որոշումը, որ սա ապահովելու ա, ես այդ որոշումը, շատ հստակ ասում եմ, ստորագրելու եմ։ Ու ինձ չի հետաքրքրում՝ ինչ կլինի հետո ինձ հետ, ինձ հետաքրքրում է՝ ինչ կլինի հետո Հայաստանի հետ»,- Փաշինյանի խոսքերը մեջբերել է Նաիրա Զոհրաբյանը։
Հետևեք մեզ Viber-ում
