Պետք է բանակին թիկունք կանգնել. զինվորներն ուղղակի հերոսություններ են իրականացնում. Օհանյան

Տարբեր հատվածներում հակառակորդի կողմից հարձակման տարբեր ուղղություններում մեր հրամանատարները, սերժանտները, զինվորները, կամավորականները ուղղակի հերոսություններ են իրականացնում։ Նրանց քաջ գործողությունների շնորհիվ է, որ շատ տեղերում իրադրությունը մեր բանակն է վերահսկում։ Այս մասին քիչ առաջ Ազգային ժողովի դիմաց լրագրողների հետ զրույցում ասաց «Հայաստան» խմբակցության ղեկավար, ՊՆ նախկին նախարար Սեյրան Օհանյանը։

Լրագրողների հարցին, թե արդյոք պետք է ռազմական դրություն մտցնել, Օհանյանը նշեց․ «Իմ անձնական կարծիքն այն է, որ իհարկե պետք է ռազմական դրություն մտցվի։ Պետք է մոբիլիզացիա արվի առաջին գծում համալրում կատարելու համար։ Պետք է բանակին թիկունք կանգնել»։