Հերթական պաշտոնանկութունը Անկարայում

Թուրքական T24 առցանց թերթի փոխանցմամբ՝ Անկարայի ահաբեկչությունից հետո կարող է պաշտոնանկ արվել հետախուզական մասով դրա պատասխանատու Ազգային հետախուզական կազմակերպության (MIT) ղեկավար Հաքան Ֆիդանը։ Հաղորդվում է, որ Հաքան Ֆիդանը զբաղեցնելու է Տոկիոյում Ճապոնիայի դեսպանի պաշտոնը, իսկ MIT-ի ղեկավարի պաշտոնում նրան փոխարինելու է Թուրքիայի նախագահ Ռեջեփ Էրդողանի խոսնակ Իբրահիմ Քալընը։ Ընդգծվում է, որ Անկարայի ահաբեկչությունից հետո Հաքան Ֆիդանը սոցցանցերում արժանացել է մեծ քննադատությունների։ Ֆիդանին քննադատել էր նաև նախկին փոխվարչապետ Բյուլենթ Արընչը։ Հիշեցնենք, որ Հաքան Ֆիդանը MIT-ի ղեկավար է դարձել 2010 թվականի մայիսին և չնչին դադարով (2015 թվականի փետրվարի վերջ-մարտի սկիզբ) շարունակում է մնալ այդ պաշտոնում։